Korea Kaskazini: Tutarajie nini kutoka kwa Kim Jong-un mwaka 2023

Korea Kaskazini ilivunja rekodi  2022.

Ilirusha makombora zaidi kuliko hapo awali ndani ya mwaka mmoja. Kwa hakika, robo ya makombora yote ambayo Korea Kaskazini imewahi kurusha angani mwaka 2022.

Ulikuwa pia ni mwaka ambao Kim Jong-un alitangaza kwamba Korea Kaskazini imekuwa taifa la silaha za nyuklia na kwamba silaha zake zitaendelea kuwepo.

Hili limeibua wasi wasi mkubwa katika rasi ya Korea tangu mwaka 2017, wakati Rais wa Marekani Donald Trump alipoitishia Korea Kaskazini .

Kwa hiyo, ni kipi kinatakachofuata?

Maendeleo kwa  silaha za nyuklia

Mnamo 2022, Korea Kaskazini ilifanya maendeleo makubwa kwenye silaha zake. Ilianza mwaka kwa kufanya majaribio ya makombora ya masafa mafupi yaliyoundwa kuishambulia Korea Kusini, yakifuatiwa na yale ya masafa ya kati ambayo yanaweza kulenga Japan.

Kufikia mwisho wa mwaka 2022 ilikuwa imefanikiwa kufanyia majaribio kombora lake la masafa marefu lenye nguvu zaidi la - Hwasong 17, ambalo kwa nadharia lina uwezo wa kufika popote katika bara la Marekani.

Bw Kim pia alipunguza kiwango chake cha kutumia silaha za nyuklia. Baada ya kutangaza mwezi Septemba kwamba Korea Kaskazini imekuwa taifa la silaha za nyuklia, alifichua kwamba silaha hizi hazikuundwa tena kwa ajili ya kuzuia vita, lakini kwamba zinaweza kutumika kwa njia ya ukombozi na kushinda vita.

Mwaka ulipokaribia kuisha, alikusanya wanachama wa Chama chake tawala cha Workers Party, ili kuweka malengo yake ya mwaka 2023.

Juu kwenye orodha yake ni "kuongeza kwa kasi" uzalishaji wa silaha za nyuklia. Hii lazima ijumuishe, uzalishaji mkubwa wa silaha ndogo ndogo za nyuklia, ambazo zinaweza kutumika kupigana vita dhidi ya Korea Kusini.

Haya ni maendeleo makubwa zaidi, kulingana na Ankit Panda, mtaalam wa silaha za nyuklia katika Shirika la Carnegie Endowment for International Peace.

Ili kutengeneza silaha za kinyuklia, Korea Kaskazini kwanza lazima itengeneze bomu la nyuklia dogo, ambalo linaweza kupakiwa kwenye kombora dogo. Ulimwengu bado haujaona uthibitisho kwamba Pyongyang imeweza kufanya hivi. Majasusi walitumia  zaidi mwaka 2022 wakingojea kujaribu kifaa kama hicho, lakini jaribio halikufanyika- 2023 waweza kuwa ndio mwaka.

Vitu vingine kwenye orodha ya mwaka mpya wa Bw Kim ni satelaiti ya kijasusi, ambayo anadai itarushwa katika obiti na kombora la masafa marefu lenye nguvu zaidi la ICBM, ambalo linaweza kurushwa kwa Marekani bila onyo ndogo kuliko mtindo wake wa sasa.

Kwa hivyo tunaweza kudhani kuwa 2023 utakuwa tofauti na 2022, huku Pyongyang ikiendelea kufanya majaribio kwa nguvu, kuboresha na kupanua safu yake ya nyuklia, kinyume na vikwazo vya Umoja wa Mataifa.

Hakika, chini ya masaa matatu ndani ya mwaka mpya tayari ilikuwa imefanya jaribio lake la kwanza la kombora.

Lakini, Bw Panda anasema, "urushaji mwingi wa makombora  mwaka ujao inaweza isiwe majaribio, lakini mazoezi, kwani Korea Kaskazini sasa inajiandaa kutumia makombora yake katika mzozo unaoweza kutokea".

Mazungumzo yoyote?

Kwa orodha kubwa kama hii ya malengo ya kufanyia kazi, hakuna uwezekano wa kiongozi wa Korea Kaskazini kuchagua mwaka huu kuwa wa  kurejea kwenye mazungumzo na Marekani. Awamu ya mwisho ya mazungumzo ya kuondoa silaha za nyuklia ilivunjika mwaka wa 2019, na tangu wakati huo Bw Kim hajaonyesha dalili yoyote ya kutaka kuzungumza.

Njia moja ya kufikiria ni kwamba anangojea hadi apate uwezo wa juu zaidi. Hadi pale atakapothibitisha pasipo shaka kwamba Korea Kaskazini ina uwezo wa kuangamiza Marekani na Korea Kusini, ndipo atakaporejea mezani, kujadiliana kuhusu masharti yake.

Badala yake, katika mwaka uliopita, Korea Kaskazini imekaribia zaidi China na Urusi. Inaweza kuwa katika mchakato wa kubadilisha kimsingi sera yake ya kigeni, alisema Rachel Minyoung Lee, ambaye alifanya kazi kama mchambuzi wa Korea Kaskazini kwa serikali ya Marekani kwa miaka 20, na sasa yuko na Mtandao wa Open Nuclear.

"Ikiwa Korea Kaskazini haitaona tena Marekani kama muhimu kwa usalama na uhai wake, itaathiri pakubwa sura na aina ya mazungumzo ya baadaye ya nyuklia," alisema.

Wasiwasi kwenye peninsula

Wakati huo huo, hali tete inaendelea kwenye peninsula ya Korea.

Kwa kila "uchokozi" unaofanywa na Kaskazini, Korea Kusini - na wakati mwingine Marekani - hulipiza kisasi.

Hii ilianza Mei 2022, na kuwasili kwa rais mpya wa Korea Kusini, ambaye aliahidi kuwa mkali zaidi kwa Korea Kaskazini.  Rais Yoon Suk-yeol anaongozwa na imani kwamba njia bora ya kukomesha Kaskazini ni kujibu kwa nguvu za kijeshi.

Alianza tena mazoezi makubwa ya pamoja ya kijeshi na Marekani, ambayo Korea Kaskazini ilipinga na kurusha makombora zaidi. Hii ilianzisha mzunguko wa hatua za kijeshi, ambao umehusisha pande zote mbili kurushaa ndege za kivita karibu na mpaka wao, na kurusha mizinga baharini.

Wiki iliyopita, hali ilizidi kuwa mbaya, wakati  Korea Kaskazini ilirusha ndege tano zisizo na rubani katika anga ya Korea Kusini bila kutarajia. Kusini ilishindwa kuziangusha, na kufichua sehemu dhaifu katika ulinzi wake na kusababisha wasiwasi miongoni mwa Wakorea Kusini wa kawaida, ambao kwa kawaida hawajashtushwa na shughuli za Kaskazini.

Rais aliapa kuwa Korea Kusini italipiza kisasi na kuadhibu Kaskazini kwa kila uchochezi.

Chad O'Carroll, Mkurugenzi Mtendaji wa Korea Risk Group, huduma ya uchambuzi ambayo inafuatilia Korea Kaskazini, anatabiri kuwa mwaka wa 2023, hii inaweza kusababisha makabiliano ya moja kwa moja kati ya Korea mbili, ambayo inaweza hata kusababisha vifo.

"Majibu ya Kaskazini au Kusini yanaweza kuongezeka hadi kufikia hatua ambayo tunaona makabiliano halisi, kwa makusudi au vinginevyo," alisema.

Kosa moja au hesabu mbaya na hali inaweza kuwa mbaya.

Ndani ya Korea Kaskazini

Kama vile swali la kushinikiza ni nini 2023 inaleta kwa watu wa Korea Kaskazini?

Wamekuwa chini ya miaka mitatu ya kufungwa kwa mipaka inayohusiana na janga. Hata biashara ilisitishwa katika jaribio la kuzuia corona, ambayo mashirika ya kibinadamu yanaamini kuwa imesababisha uhaba mkubwa wa chakula na dawa. Mwaka jana, katika hali isiyo ya kawaida, Bw Kim alizungumzia "shida ya chakula".

Kisha mnamo Mei 2022, Korea Kaskazini ilikubali mlipuko wake wa kwanza wa virusi, lakini miezi michache baadaye ilidai kuwa imeshinda.

Kwa hivyo mwaka wa 2023 ndio mwaka ambao hatimaye itafungua tena mpaka wake na Uchina, na kuruhusu watu na vifaa kuingia?

Kufunguliwa tena kwa China kunaleta matumaini. Korea Kaskazini inaripotiwa kuwachanja watu wanaoishi kando ya mpaka kwa maandalizi, lakini kutokana na huduma zake za kiafya zisizo na uhakika, Bi Lee yuko makini.

"Ukizuia dharura, kama vile uchumi wake uliokaribia kuporomoka, hakuna uwezekano Korea Kaskazini itafungua tena mipaka yake hadi janga hilo liweze kutangazwa kuangamizwa ulimwenguni, haswa katika nchi jirani ya Uchina," alisema.

Jambo moja zaidi la kutazama ni fununu kuhusu nani ataiongoza Korea Kaskazini baada ya Bw Kim. Mpango wake wa urithi haujulikani, lakini mwaka jana alifichua hadharani mmoja wa watoto wake kwa mara ya kwanza - msichana, anayedhaniwa kuwa binti yake Kim Chu-ae.

Amepigwa picha sasa kwenye hafla tatu za kijeshi, na picha zaidi zilitolewa Siku ya Mwaka Mpya, na kusababisha wengine kudhani kama yeye ndiye mteule.

Bila shaka, Korea Kaskazini haitabiriki, na mwaka wa 2023 unaonekana kuwa wa kutotabirika na wa kukosa utulivu.