Raashiyaa fi Yukireen marii nagaa Istaanbuliin sa'aatii muraasaan dura waliitti dhukaasan

Haguuggii Tamsaasa Kallattii

1. 30 Caamsaa 2025Hamaas karoora dhukaasa dhaabuu haaraa US akka hin fudhanne hime

   

   Madda suuraa, Reuters

   Qondaalli olaanaa Hamaas karoora dhukaasa dhaabuufi namoota butaman gadhiisuu US dhiyeessite hin fudhadhu jedhe.

   Kamisa kaleessaa Waayit Haawus, karoora ergamaa Ameerikaa Istiiv Wiitkoofiif Israa’el ‘mirkana’ kenniteetti Hamaas irraa deebii eegaa jirra jedhe.

   Miidiyaan Israa’el qondaalota biyyattii eeruun Hamaas namoota butamanii lubbuun jiran 10 fi kanneen lubbuun darbe 18 marroo lamaan dhukaasa dhaabuu guyyaa 60’n akka dabarfaman akkasumas lammiileen Filisxeem mana hidhaa Israa’el keessa jiran akka gadhiifaman jedha karoorichi.

   Qondaalli Hamaas karoorri dhiyaate gaaffii bu’uuraa waraana dhaabuu hin dabalatu jedhe.

   Dhimma kanarratti mootummaan Israa’el deebii hin kennine, haatahu malee Ministira Mummee Beenjaamiin Netaaniyaahuu maatii namoota butamaniitti karoora Ameerikaa akka fudhatu itti hime.

   Israa’el Gaazaatti deeggarsi akka hin galle ugguruun Bitootessa 18 irraa qabee haleellaa raawwachuu haaraa eegalteetti, kunis mariin dhukaasa dhaabuu jaarsummaa US, Kataariifi Masriin taasifamu milkaa’ina dhabuun booda.

   Israa’el namoota Hamaasiin butaman 58 kanneen 20 tahan akka lubbuun jiran amanaman akka gadhiifaman dhiibbaa gochuuf haleellaa raawwachuu jalqabuu himte.

   Gaafa Caamsaa 19 haleellaa bal’aa taasifameen Netaaniyaahuun loltoonni ‘’naannolee Gaazaa mara to’atu,’’ jedhe.

   Guyyaa itti aanu beelli akka hin uumamneef Israa’el uggura hamma tahe kaasuun nyaatni ‘’bu’uuraa’’ gara Gaazaa akka galu eeyyamti jedhan.

   Torban 10 darban keessatti Gaazaa keessatti namoonni 4,000 ajjeefamuu ministeerri fayyaa Hamaasiin hogganamu himeera.

   Akka UN jedhutti oppireeshinii lafoofi namoonni achi akka bahan ajajuun qofa namoonni 600,000 tahan buqqa’aniiru. Kanneen 500,000 tahan ammoo beela hamaatu isaan mudata.

2. 30 Caamsaa 2025Waggootaaf daandiirra jiraachuurraa hanga teenisa minjaalaan seenaa haaraa Itoophiyaa katabuutti

   

   Madda suuraa, Derara Mekonnin(fb)

   Dargaggoo Daraaraa Mokonnin ijoollummaasaatti abbaa fi haadhasaa du'aan dhabe. Barnoota idilee kutaa saddettaffaatti adda kutuufis dirqame.

   Waggoota torbaaf daandii gubbaa jiraateera. Sababa jireenyi kallattii jalaa jijjiirrateen daandii gubbaatti araada adda addaaf saaxilameera.

   Dargaggoo Wallagga Lixaa magaalaa Najjootti dhalatee guddate kana mudannoon badaan ijoollummaasaa milkaahinarraa isa hin hanqifne.

   Ol adeemaan daandii gubbaa barootaaf jiraate kun amma sadarkaa idila addunyaatti sanuu dorgommii biyyi ittiin hin beekamne tapha teenisa minjaalaan maqaa waamsiseera.

   Amma dargaggoo Daraaraa Mokonnin Shaampiyoonaa biyyaalessaa Itoophiyaati. Shaampiyoonaa Baha Afrikaatis. Bal'inasaa asiin seenaa dubbiifadhaa.

3. 30 Caamsaa 2025Tamsaasa kallattiin deebiineera

   Akkam jirtu hordoftoota BBC Afaan Oromoo?

   Amma oduu kallattii kan Jimaata har'aa isiniif dhiyeessinu jalqabneerra.

   Dhimma US, Raashiyaa, Yukireen, Israa'el fi Gaazaa dabalatee oduu addunyaarratti amma ta'aa jiru ni argattu.

   Odeessaalee dabalataa argachuuf ammoo marsariitii keenya, ykn Chaanaalii WhatsApp keenya ykn ammoo Faceboo keenya ilaaluu hin dagatiinaa.

   Diyaadhaa!

4. 29 Caamsaa 2025'Nama nan kabaja, garuu kan haadha koo arrabseef araarama hin qabu'- Amad Diyaaloo

   

   Madda suuraa, Getty Images

   Kilabni Ingilaand Maanchistar Yunaayitid wayita gara Maleeshiyaa imaletti taphataa isaa collee Amad Diyaaloo taateen mufachiise uumameera.

   Taphatichi erga ''qoccollaan hamaa ta'e'' irratti raawwatamee booda miira hin taaneen deebii kenneera jedhe kilabichi.

   Taphataan intarnaashinaalaa Ayivoorii Koost kun magaalaa Kuwaalaa Lumper keessatti hoteela taphattoota kilabichaaf qabame fuulduratti wayita quba isa gidduu namootatti qabuun arrabsu mul'ateera.

   Viidiyoon taatee kanaa miidiyaalee hawaasummaarratti bal'inaan qoodameera.

   Yunaayitid akka ibsetti taphataan kun erga namoonni ''harmee isaa jecha badaadhaan arrabsanii'' booda innis miira aariin deebii kenne.

   ''Nama nan kabaja, garuu haadha koo arrabsinaan araarama hin qabu,'' jechuun X irratti barreesse Amad.

   ''Haala sanaan deebii kennuun narra hin turre, garuu waanan godhetti hin gaabbu,'' jedhe.

   Qoccolloon wayita taphattoonni Yunaayitid gara leenjisaa isaaniitti deemaa turan mudate kun qabiyyee jibba sanyummaa of keessaa hin qabu jedhe kilabichi.

   Deeggartoonni ''Diyaaloo' jechuun maqaasaanii iyyanii waamaa turan.

   Taphataan umrii waggaa 22 kun garuu akka waan inni qofti arrabsameetti ofitti fudhatee miira aariin deebii kenne.

   Taphataan kun yeroo Atlaantaa turetti daddabarsa namaan himatamee ture. Boodarra Waldaan Kubbaa Xaaliyaanii qorannoo taasiseen ragaa sobaa fi maatii sobaa fayyadamuun biyyattii seeneera jechuun doolaara kuma 42 adabe.

   Sana hordofee taphataan kun maqaasaa keessaa Tiraaworee hambisuun Amad qofa jedhamee akka waamamu gaafateera, hanga ammaa kanaaf akkasitti waamama.

   Tapha Yunaayitid goolii 1 fi 0 dhaan kilaba ASEAN All-Stars jedhamuun mo'amerratti Amad boqonnaa booda gale.

5. 29 Caamsaa 2025Ministeerri Turizimii Sadarkaa Hoteelota abbaa urjii 5 bara kanaa ifoomse

   

   Madda suuraa, EBC

   Ministeerri turizimii sadarkaa hoteelota abbaa Urjii 5 magaalaa Finfinnee keessatti argamanii bara kanaa ifoomseera.

   Hoteellii Hayat Regansii sadarkaa tokkoffaa yoo qabatu Hoteellii Iskaayi Laayit sadarkaa 2ffaa ta'uun himameera.

   Hoteelli Sharaton haaraa fi Hoteela Internaashinaalii Ilillii sadarkaa itti aanuu hoteelota qabataniidha.

   Hoteela kaappitaal, Hoteellli biluu Radisson, Hoteela Executive Marriot, Hoteelli gooldi tuulip, hoteelli Hilton, Hoteelli Inter legansii fi Hoteelli Neksus in kanneen wal duraa duuban sadarkaa qaban ta'uu EBC ministeera Turizimii wabeeffachuun gabaasersa

6. 29 Caamsaa 2025Israa'el qubsuma seeraan alaa haaraa 22 West Baank keessatti Yihuudotaaf akka ijaartu beeksiste

   

   Madda suuraa, AFP

   Tarkaanfiin kun karoora babal'ifannaa qubsuma seeraan alaa Israa'el West Baank keessatti adeemsisaa jirtu keessatti isa guddaadha jedhameera.

   Waggoota kurna hedduu keessatti Israa'el yeroo jalqabaaf babal'ifannaa guddaa akkanaa ibsite.

   Hanga yoonaatti manneen seeraan ala ijaaraman, seeraa haaraa Israa'eliin mirkanaa'aniiru. Amma booda ammoo kan duraanii caalaa akka babal'isan Ministirri Ittisaa Israa'el Kaatzi fi Ministirri Maallaqaa Bizaalel Ismootiriich waliin ta'uun ibsaniiru.

   Qubsumni aanga'oonni Filisxeem seeraan ala ta'uu ibsan, kan Israa'el seera qabeessa jechuun falmattu, kun madda walitti bu'iinsa Filisxeem fi Israa'el gidduutti waggootaaf dhiiga dhangalaasaa jiruuti.

   Kaatzi akka jedhutti adeemsi kun ''Filisxeem akka biyya hin taane ittisuuf kan karoorfamedha.''

   Israa'el akka sodaa guddaatti kan ilaaltu keessaa inni ijoon Filisxeem biyya of dandeesse taatee ollaasheetti hundaa'uudha.

   Aanga'oonni Filisxeem ammoo tarkaanfiin Israa'el kun dhibdee jiru daran kan hammeessuudha jechuun akeekkachiisan.

   Jaarmiyaan quubsuma seeraan alaa Israa'el dura dhaabbachuun beekamu- Peace Now, karoorri qubsuma babal'ifannaa Israa'el amma ibsite waggoota 30 darban keessatti isa akkaan guddaadha jedhe.

   Kunis haala nama ajaayibuun teessuma West Baank guutummaatti kan geeddaruu fi rakkoo hamaa kan biraaf bu'uura kan kaa'u jechuun yaaddoo qabu ibse jaarmiyaan kun.

   Erga waraana Baha Giddugaleessaa bara 1967 xumuramee as Israa'el qubsuma seeraan alaa 160 kan Yihuudota kuma 700 jiraachisu West Baank fi Baha Jerusaalam keessatti ijaarteetti.

7. 29 Caamsaa 2025Yamaal kontiraata haaraa waggaa jahaa Baarseloonaaf mallatteesse

   

   Madda suuraa, Getty Images

   Lamiin Yamal milkaa'ina Barseeloonaa bara kanaa keessatti shoora guddaa bahuu isaatiin Barseeloonaa keessa hanga bara 2030tti akka turuuf, kontiraata isaa mallatteessuu kilabichi kaleessa beeksiseera.

   Taphataan sarara fuulduraa Ispeen ganna 17 kun kontiraatni isaa xumura bara dorgommii 2025-26tti xumurama ture.

   Yamaal kontiraata haaraa kana Kibxata darbe bakka preezdaantiin kilabichaa Joo'aan Laapoortaa fi daayreektarri ispoortii Deekoo argamanitti mallatteesse.

   Bara 2023 ijoollee ganna 15 ta'ee Barsaatti kan tapha jalqabe Yamaal bara dorgommii jalqabaa qofa taphoota 55 irratti goolii 18 galchuu fi kubbaawwan goolii 25 mijeessee kennuun imala milkii jalqabe

   Yamaal taphoota 115 kilabichaaf taphateen goolii 25 galchuun seenaa Laaligaa, Koopaa Deel Reey fi waancaa Suuper Cup Ispeen keessatti nama umurii xiqqaan goolii heddu galche ta'eera

   Yamaal kontiraata haaraa kana Kibxata darbe bakka preezdaantiin kilabichaa Joo'aan Laapoortaa fi daayreektarri ispoortii Deekoo argamanitti mallatteesse.

   Akka Gabaasaaleen hedduun miidiyaalee Ispeen irratti ba'an jedhanitti, taphataan ganna 17 kun mindaan waggaa naannoo doolaara miiliyoona 21 argachuu akka danda'u fi garee kana keessatti taphattoota kaffaltii olaanaa argatan keessaa tokko ta'uu akka danda'u ibsaa jiru

8. 29 Caamsaa 2025Haati intala ishee waggaa 6 falfalaatti gurgurte hidhaa umurii guutuun adabamte

   

   Madda suuraa, Reuters

   Dubartiin lammii Afrikaa Kibbaa intala ishee waggaa jahaa ukkaamsuun dabarsitee gurgurguruun shakkamte fi namootni dhummicha keessaa harka qabu jedhamuun shakkaman lama waliin hidhaa umurii guutuu itti murtaa'era.

   Daa'imni dubaraa Afrikaa Kibbaa kun bara darbe achi buuteen ishee erga dhabame hanga amma hin argamin jirti.

   Manni murtii biyyatti dhimma ishee hordofaa tures daa'imni kun 'ijaa fi gogaa' isheef ogeessa fayyaa aadaa jedhamaniin barbaadamaa akka turte ragaa argachuu hordofee murtee kana kenne

   Daa'imni Jooshliin Ismiiz jedhamtu, kana haati ishee Keelii Ismiiz fi namoonni ishee waliin dhimmicha keessa harka qabu jedhamuun shakkaman jaalalle ishee Jaakin Apoolisii fi hiriyyaan isaanii Isteeveenoo Vaan Riyan kanneen jedhamaniidha.

   Akka ragaan abbaa alangaa mul'isutti daa'imattiin warra falafala hojjataniin gogaa fi ija isheef jecha barbaadamaa turte.

   Dubartiin kunis daa'ima ishee kana akka gugurattee ollaa fi barsiiftuun daa'imattii jecha ragaa isaanii mana murtiif kennaa turan.

   Manni murtis dhimmicha dhaddacha marsaa ja'aan erga ilaalee booda sadan isaanii hidhaa umurii guutuun adabeera.

9. 29 Caamsaa 2025Tiraamp waraana Yukireen akka dhaabbatuuf Puutiiniif torban lama kenne

   

   Madda suuraa, Getty Images

   Pirezidantiin US Doonaald Tiraamp waraana Yukireen dhaabsisuudhaaf pirezidantii Raashiyaa Vilaiir Puutiiniif beellama torban lamaa kennaniif.

   Raashiyaan erga dhiyoo as haleellaa Yukireen irratti raawwattu cimsitee itti fufteetti.

   'Puutiin waraana dhaabuudhaaf fedhii qabaa">Manni-murtii federaalaa US taarifa humnaa olii Pirezidant Doonaald Tiraamp biyyoota gara garaarra kaa’ee ture dhorke.

   Murtiin kun ammoo imaammatawwan dinagdee isaa keessaa tokko kan ta’e dhimma taarifa gurguddaa biyyoota gara garaarra kaa’uu jedhuratti kufaatii guddaa isa mudate jedhameera.

   Manni-murtii Daldala Idil-addunyaa seerri hatattamaa Waayit Hawus itti fayyadamuuf tolfate pirezidaantichi biyyoota hundarra taarifa kaa’uu akka danda’uuf aangoo qofaa isaa dhuunfatu hin kennuuf jedheera.

   Murtii kun qaraxa US addatti Chaayinaa, Meksiikoo fi Kanaadaarra keesses dhorkeera.

   Murteen kun darbee daqiiqaawwan keessatti bulchiinsi Tiraamp daanyonni hn filatamiin akkamitti akka dhimma biyyaa hatattamaa furrurratti murteessuu hin qaban jechuun ol iyyate.

10. 29 Caamsaa 2025Kallattiin deebiinee dhufneerra

    Akkam jirtu hordoftoota BBC Afaan Oromoo?

    Amma oduu kallattii kan Jimaata har'aa isiniif dhiyeessinu jalqabneerra.

    Dhimma US, Raashiyaa, Yukireen, Israa'el fi Gaazaa dabalatee oduu addunyaarratti amma ta'aa jiru ni argattu.

    Odeessaalee dabalataa argachuuf ammoo marsariitii keenya, ykn Chaanaalii WhatsApp keenya ilaaluu hin dagatiinaa.

    Diyaadhaa!

11. 28 Caamsaa 2025Mask wixinee gibiraa fi baasii Tiraampiin 'mufate'

    

    Madda suuraa, Getty Images

    Sorreessi addunyaa kanaa kan ta'e Elon Maask imaammata mallattoo Doonaald Tiraamp keessaa tokko qeequudhaan, pirezidaantichi bara 2024 irra deebiin akka filannoo injifatuuf gargaare kan ture, amma waan itti mufate fakkaata.

    Torban darbe manni maree bakka bu'oota uummataa Ameerikaa wixinee labsii Tiraamp "guddaa, bareedaa" jedhee waame sagalee garaagarummaa xiqqoodhaan raggaasiseera.

    Kunis qaraxa doolaara tiriliyoona hedduu dabaluu fi baasii raayyaa ittisaa guddisuuf waadaa galuu kan dabalatudha. Amma gara Seeneetiitti qajeelfameera.

    Abbaan qabeenyaa teeknooloojii Maaskiin michuu BBC Ameerikaa kan ta'e CBS News'tti akka himanitti, karoora kanaan ''mufateera.''

    Kunis akka hojii inni baasii hir'isuuf pirezidaantichaaf hojjete ''xiqqeessuuti'' jedhee itti dhaga'amu hime.

    ''Dhugaa dubbachuudhaaf nagahee baasii guddaa kana arguun na mufachiiseeras,'' jedhe

    Itti fufuunis karoorri Tiraamp ''hanqina baajata hir'isuu osoo hin taanee ni dabale'' jechuun falmeera.

    Seerri kun bara baajataa itti aanutti hanqina ykn garaagarummaa waan mootummaan Ameerikaa baasuu fi galii argatu gidduu jiru, gara doolaara biiliyoona 600 (£444bn) dabaluu danda'a jedhamee yaadama.

    Kana malees, wixineen seeraa kun ''hojii gareen Doge (qaamni gorsaa baasii hir'isuu Ministeera Gahumsa Mootummaa)n hojjechaa jiru ni salphisa'' jedhan Maask.

12. 28 Caamsaa 2025MM Israa'el hogganaan Gaazaa Hamaas Mohaammad Sinwaar ajjeefamuu himan

    

    Madda suuraa, IDF

    Minstirri Mummee Israa'el Beeniyaamin Netaaniyaahuun waraanni isaanii hogganaa garee Hamaas Gaazaa keessaa kan ta'efi namoota Israa'el baay'ee barbaadaa turte keessaa tokkoo kan ta'e Mohaammad Sinwaar ajjeesuu ibsaniiru

    Mohaammad Sinwaar obboleessa hogganaa garee Hamaas kan kanan dura ajjeefame Yaahyaa Sinwaar'dha.

    Mohaammad Sinwaar haleellaa cimaa Israa'el Caamsaa 13 mooraa fi naannawa hospitaala tokkotti rawwattteen kan ajjeeste yoo ta'u, waraanni Israa'el "meeshaalee waraanaa lafa jalaa" Hamaas achitti argamu barbadeesse jedhee ture.

    Ministeerri fayyaa Gaazaa kan Hamaasiin hogganamu ammoo yeroo sanatti namoonni 28 akka ajjeefaman ibsee ture. Garuu ajjeechaa Mohaammad Sinwaar hin mirkaneessine, yookanis hin haalle.

    Yaahyaa Sinwaar, namni karoora haleellaa Onkoloolessa 7 bara 2023 Hamaas Israa'el irratti raawwate duuba akka jiru himame, Onkoloolessa darbe keessaa loltoota Israa'eliin ajjeefaman.

    Waa'ee gaggeessoota Hamaas Israa'el hirriiba dhorkanii turan eenyi fa'i ture kan jedhu asiin dubbiifachu dandeessu.

    Israa’el haleellaa Hamaasif deebii kennuuf guyyoota 600 dura Gaazaa keessatti duula waraanaa kan jalqabde yoo ta’u, yeroo sanattis Israa'el keessatti namoonni gara 1,200 ajjeefamanii, 251 kan ta'an ammoo butamanii ture.

    Ergasii Gaazaatti yoo xiqqaate namoonni 54,084 ajjeefamaniiru jedha ministeerri fayyaa naannichaa.

13. 28 Caamsaa 2025Hangan waggaa 40 guututti taphachuu nan danda'a-Saalaa

    

    Madda suuraa, Reuters

    Taphataan lammii Masrii Mohaammad Saalaa hanga waggaa 40tti taphachuu akka danda'u ibsuun, ammallee gara Liigota Piroofeeshinaalaa Sa'udiitti deemuu akka danda'uuf irratti mari'achaa jiraachu hime.

    Taphataan sarara fuulduraa Liivarpuul ganna 32 kun bara kana dorgommii ajaa'ibaa dabarsuun, goolii 29 galchuun kubbaawwan 18 mijeessee kennuudhaan waancaa Piriimiyerliigii injifateera.

    Maddeen BBC'tti akka himanitti, Saalaan baatii darbe keessa kontiraata isaa Liivarpuul waliin haaromsuuf murteessuu isaa dura yoo xiqqaate paawundii miiliyoona 500 Sa'udii Arabiyaatti argachuuf qarqara irra ga'ee ture

    Saalaan amman dadhabutti tapha hin dhiisu jedhe. ''Yoom jettanii na gaafattu yoo ta'e hanga umuriin koo waggaa 39 ykn 40 ta'utti taphachuu nan danda'a jedheen yaada, garuu sana duras yoon dadhabe nan dhaaba. garuu rokardii heddu nan galmeessa jedheen yaada" jedhe Saalaan

    Kontiraata Liivarpuul waliin qabu bara 2027 erga xumuramee booda ammallee Sa'udii Arabiyaatti taphachuu akka danda'u akeekera. Isaan waliin illee hariiroo gaarii akka qaban dubbateera.

14. 28 Caamsaa 2025Ogeessi fayyaa baqaqsanii wal'aanuu namoota heeddu gudeede hidhaa waggaa 20'n adabame

    

    Madda suuraa, Getty Images

    Ogeessi fayyaa baqaqsanii wal'aanuu biyya Faransaay duraanii Joyel Leskowurnak jedhamu, dhukkubsattoota dhibbaan lakkaa'aman irratti miidhaa saalaa raawwachuu isaa amanee jira.

    Namni kun bara 1989 hanga 2014 gidduutti dhukkubsattoota dhibbaan lakkaa'aman kan hedduun isaanii da'imman ta'an irratti miidhaa saalaa raawwataa turuu isaa amaneera.

    Namni kun kana durallee ijoollee heddu ijoollee obboleettii isaa lamaan dabalatee daa'imman afur gudeeduu fi miidhaa saalaa raawwachuu isaatiin waggaan kudha 15 erga itti murtaa'ee erga bara 2020 kaasee hidhaa jira.

    Ergasiis miidhamtoonni kudhanootaan lakkaa'aman gara mana murtitti dhiyaachuun miidhaa ogeessa kanaan isaaniira gahee fi waanti isaan mudate akkamitti jireenya isaanii akka jijjiire mana murtiitti himaniiru.

    Ji'a Sadaasaa darbe keessa,ture namni kun walumaa galatti miidhamtoota 299 irratti miidhaa saalaa akka raawwate kan amane.

15. 28 Caamsaa 2025Gaazaa bakka deeggarsaa namoonni hedduun humnaan cabsuuf yaalaniitti dhukaasa humnoota Israa'eeliin hedduun madaa'an -UN

    

    Madda suuraa, Reuters

    Waajjirri Mirga Namoomaa Dhaabbata Biyyoota Gamtoomanii (UN) Kibxata darbe Gaazaatti wayita namoonni hedduun giddugala raabsa gargaarsaa Ameerikaa fi Israa'eliin deeggaramuu cabsuuf yaalanitti dhukaasa banameen namoonni 47 madaa'uutu amanama jedhe

    Qondaalli olaanaan tokko, UN ammallee odeeffannoo walitti qabaa kan jiru yoo ta'u, garuu miidhaan irra caalaansaa dhukaasa qawweetiin kan mudate akka ta'ee fi ''IDF [Rayyaa Ittisa Israa'el] tiin kan dhukaafame'' jedhan.

    Ministeerri fayyaa Gaazaa kan Hamaasiin geggeeffamu, namni tokko du'uu fi namoonni 48 madaa'uu beeksiseera.

    IDF gabaasawwan kana sakatta'aa akka jiru ibseera. Akka dubbi himaan IDF jedhutti, wayita namootni giddu gala magaalaa kibba Raafaa keessatti argamu cabsan ''dhukaasa akeekkachiisaa'' qilleensatti ol dhukaasuunsaanii garuu ammoo gara namootaatti akka hin dhukaasne jechuun haalera.

    Mootummoonni Ameerikaa fi Israa'el gargaarsi Hamaasiin akka hin hatamne dhorkaa jiraachuu himan, gareen hidhattootaa garuu kana akka hin raawwanne waakkatan.

    Dhaabbileen Dhaabbata Biyyoota Gamtoomanii akka akeekkachiisanitti, ummanni Gaazaa miliyoona 2.1 ta'u, sababa uggura Israa'el ji'a sadiif tureen (kan amma torban darbe kaafameen) beelli hamaa mudachuu akka danda'u akeekkachiiseera.

16. 28 Caamsaa 2025Sababa Yukireeniin Ameerikaa fi Raashiyaan wal dhabuuf ta'uu?

    

    Madda suuraa, Reuters

    Erga prezidaantiin Ameerikaa Doonaald Tiraamp prezidaanti Vilair Puutiin “ibiddaan taphachaa jira” jechuun himatanii booda, Raashiyaan loltoota gara kuma 50 gara daangaa Yuukireenitti butaa jirti.

    Sabaaba Yuukireen kanaanis Raashiyaaf Ameerikaan waldhabbii keessa seenaa jiru.

    Hoggantoonni addunyaa hedduun waraanni kun akka dhaabatuuf wal’aansoo guddaa taasisanillee, erga Waraana Addunyaa Lammaffaa booda Awurooppaa keessatti waraanni lubbuu namoota hedduu saffisaan galaafata jiru itti fufeera

    Biyyootni lammanuu dirooniin wal haleelaa jiru

    Tiraamp Puutiin ibiddaan taphachaa akka jiru ibsuun, yoo didame waanti hamaan Raashiyaa irratti akka mudatu akeekkachiisaniiru.

    Qondaalli olaanaa nageenyaa Raashiyaa Dimitiri Medvedeev,yaada pirezidaant Tiraamp kana qeeqaniiru.

    Tiraamp hoggantoota biyyota lamaanuu waliin yeroo adda addaa mari'achuun walii galteen dhukaasa dhaabuu dhiyootti akka taasifamu ibsaa turan illee kun utuu hin ta'in hafeera.

    Amma marii irra gara wal doorsisuutti ce'eera. Haalli kun hammatee waraana addunyaa 3ffaa kaasuu malaan ammoo sodaa namoota hedduu ta'era

17. 28 Caamsaa 2025Arsenaal Arteettaa jalatti milkaa'ina hin arganne - Heenrii

    

    Madda suuraa, Getty Images

    Arsenaal waggoota sadan darban leenjisaa Mikeel Arteetta jalatti milkaa'ina hin arganne jedha taphataa beekamaan duraanii Arsenaal Tiyerii Heenrii.

    Arteetaan erga bara 2019 Maanchistar Siitii gadhiisee garee Arsenal leenjisuu jalqabee Waancaa akka injifatuuf eegaamullee hedduu hin milkoofne jedhe

    Arteetaan bara dorgommii 2020tti waancaa FA irratti Cheelsii injifatee erga shaampiyoonaa ta'ee booda waancaa tokkollee hin arganne

    Arsenaal bara dorgommii Piriimiyerliigii Ingiliiz sadan darbanitti 2ffaa kan xumure yoo ta'u, dorgommii shaampiyoonsi liigii Awurooppaa Walakkaa xumuraaf darbee Kilaba biyya Heenrii PSG'n mo'amee bahe

    ''Arsenaal irraa abdii muradheera jechuu koo miti, garuu milkaa'ina kilabichaa irraqatti gaaffiin namootni kaasaan waanuma sirridha,'' jedhe Heenriin

18. 28 Caamsaa 2025Tiraamp tarkaanfii akkamii Raashiyaarratti fudhachuuf akka jiru hin murteessine-Politico

    

    Madda suuraa, Reuters

    Pirezidantiin US Donaald Tiraamp kanaan booda obsa inni pirezidantii raashiyaa Vilaiir Puutiniif qabu dhumachuu isaa akeeke. Haata'u malee, maal akka gochuuf jirurratti hin mirteessiin akka jiru Politico gabaaseera.

    "Puutin carraa hin argamne Tiraam isaaf kenne of jalaa balleessuuf jira," jechuun aanga'aan bulchiinsa US tokko osoo maqaa hin ibsatiin gaazexaa kanatti dubbataniiru.

    Tiraamp deebii Raashiyaan waraana Yukireen irratti bante kana cimsitee itti fufteef malu Mooskoorra qoqqobbii dabalataa kaa'uufi tarkaanfii biroo fudhataa ilaalchisee Tiraamp ammallee hin murteessine jedhan anga'aan US kun.

    "Ammatti Tiraamp qoqqobbii dabalataa kaa'a ykn tarkaanfii hamaa biroo irratti fudhachuuf jira kan jedhurratti ifatti hin beeku," jedhe Kuurt Vooker bara bulchiinsa Tiraamp duraa keessa ergamaan addaa US ta'uun kan tajaajile.

    "Kana gochuudhaaf carraawwan lakkaawamee hin dhumne qaba, garuu kan gochuu dhiisaa ture."