/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Sioe awyr yn gorfod canslo digwyddiadau achos y tywydd

Red ArrowsGetty Images

Y Red Arrows oedd i fod i gloi'r digwyddiad ddydd Sul

Mae trefnwyr Sioe Awyr Y Rhyl yn dweud eu bod wedi gorfod canslo digwyddiadau eleni am y tro cyntaf erioed oherwydd y tywydd.

Prynhawn Sul fe gadarnhaodd y cyfarwyddwr sioeau hedfan, Peter Sinclair bod y Red Arrows yn un o'r atyniadau fydd methu cymryd rhan bellach.

Cafodd trefnwyr hefyd wybod na fyddai'r hediad i gofio Brwydr Prydain yn digwydd chwaith am nad oedd modd i'r awyrennau gyrraedd Y Rhyl oherwydd y tywydd.

Dywedodd Mr Sinclair ei fod yn "siomedig tu hwnt", ond y byddai pump o sioeau eraill yn dal i gael eu cynnal ddydd Sul.

Ychwanegodd mai dyma yw'r tro cyntaf ers i'r sioe ddechrau cael ei chynnal 10 mlynedd yn ôl i'r trefnwyr orfod canslo digwyddiadau.

Roedd disgwyl i filoedd o bobl heidio i'r Rhyl dros y penwythnos ar gyfer y sioe awyr blynyddol.

Ymhlith yr atyniadau ddydd Sadwrn roedd tîm erobatig Raven a thîm parasiwt y Red Devils.