/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Teimladau hirdymor tu ôl i anhrefn Trelái - Drakeford

Mae gan yr heddlu gwestiynau i'w hateb am y terfysg yn Nhrelái nos Lun, meddai Prif Weinidog Cymru.

Ond dywedodd Mark Drakeford y dylai pobl aros am ganlyniad yr ymchwiliad annibynnol cyn gwneud dyfarniad am ymateb yr heddlu.

Awgrymodd fod rhesymau hirdymor tu ôl i'r golygfeydd treisgar nos Lun a bod torri gwariant cyhoeddus, gan gynnwys yn yr heddlu, wedi "chwarae ei ran yn y digwyddiadau".

Mae etholaeth Mr Drakeford yn Senedd Cymru, Gorllewin Caerdydd, yn cynnwys Trelái.

Dywedodd y byddai'n cynnal cyfarfod o asiantaethau cyhoeddus ddydd Gwener i drafod achosion cefndirol y trais.

Yn ei gyfweliad cyntaf ers y digwyddiad, dywedodd Mr Drakeford: "Mae yna gwestiynau i'r heddlu eu hateb, ry'n ni'n gwybod."