/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Teulu'n mynd ag ymgych cyffur ffibrosis systig i Lundain

Mae rhieni dwy ferch fach o Ddyffryn Conwy sy'n dioddef o ffibrosis systig yn galw am ganiatáu cyffur newydd i gleifion ar y gwasanaeth iechyd ym Mhrydain.

Fe fydd Alison Fare yn ymuno ag ymgyrchwyr mewn protest yn Llundain ddydd Gwener i bwyso am i gleifion gael y cyffur Orkambi.

Mae ei merched Imogen, 6, ac Annabel, sy'n 2, yn byw gyda'r cyflwr ac mae Imogen wedi danfon llythyr at y Prif Weinidog, Theresa May.

Mae'r cyffur ar gael mewn gwledydd fel America, Awstralia, a Gweriniaeth Iwerddon ac mae'r cost presennol yn fwy na £100,000 y flwyddyn i bob claf, ond mae awgrym bod trafod gyda'r cwmni sy'n cynhyrchu'r cyffur, Vertex yn profi'n rhwystredig.

Dywed Llywodraeth Cymru eu bod yn dilyn canllawiau NICE, ond fe fydd y mater yn cael ei drafod yn Senedd y Cynulliad fis nesaf wedi deiseb ar-lein ag arni dros 5,700 o enwau.