/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Y ddadl ar y mesur cymorth i farw wedi bod yn 'emosiynol'

Mae Aelodau Seneddol wedi pleidleisio o blaid caniatáu i oedolion sy'n derfynol wael gael cymorth i ddod â'u bywydau eu hunain i ben.

Fe bleidleisiodd 330 o ASau o blaid gyda 275 yn erbyn, yn dilyn dadl a barodd tua phump awr yn San Steffan ddydd Gwener.

Nid yw'r bleidlais yn golygu bod y mesur wedi dod yn gyfraith, ond mae'n caniatáu iddo barhau ar gyfer craffu seneddol pellach.

Wrth ymateb i ganlyniad y bleidlais, dywedodd AS Bangor Aberconwy, Claire Hughes fod y ddadl wedi bod yn un "emosiynol".

"Dwi'n falch o allu symud ymlaen gyda'r sgwrs yma am farwolaeth a be ydi marwolaeth dda," meddai.

"Dwi'n falch y bydd mwy o amser rŵan i scrwteneiddio'r mesur yn y Bill Committee, mae hynny'n bwysig iawn er mwyn edrych ar bethau fel sut y bydd y mesur yn gweithio gyda Chymru... mae'r pethau hynny'n bwysig ond dwi'n teimlo'n dda bod digon o amser i wneud hynny'n iawn.

"Dwi wedi gwrando ar lot fawr o bobl yn yr etholaeth, ac mae gen i brofiad personol efo fy mam. Dwi'n teimlo'n gryf fod rhaid i ni ymgyrchu ar gyfer gofal lliniarol gwell, ond dyw gofal lliniarol ddim yn helpu bob person."