/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Cymru i gyhoeddi carfan Euro 2025 ar gopa'r Wyddfa

Carfan CymruCBDC/John Smith

Fe fydd y garfan yn cael ei chyhoeddi fis nesaf

Bydd carfan Cymru ar gyfer pencampwriaeth Euro 2025 yn cael ei chyhoeddi ar gopa'r Wyddfa.

Fe fydd y prif hyfforddwr, Rhian Wilkinson ar gopa mynydd uchaf Cymru ar ddydd Iau, 19 Mehefin er mwyn cyhoeddi'r rhestr o chwaraewyr.

Yn dilyn y cyhoeddiad, bydd cyfres o weithgareddau'n cael eu cynnal yn ardal Gwynedd - gan gynnwys gŵyl bêl-droed ar gae newydd yn Nhalysarn, a noson holi ac ateb gyda cherddoriaeth fyw.

Dyma'r tro cyntaf i Gymru gymryd rhan yn rowndiau terfynol un o'r prif bencampwriaethau, a'r mae'r cyhoeddiad fis nesaf yn cyd-fynd â slogan UEFA ar gyfer y bencampwriaeth yn y Swistir, 'the summit of emotions'.

Rhian WilkinsonCBDC/John Smith

Bydd Rhian Wilkinson yn cyhoeddi ei charfan ar 19 Mehefin

Wrth siarad am y cyhoeddiad, dywedodd Rhian Wilkinson: "Bydd cyhoeddi ein carfan ar gopa Cymru yn achlysur gwirioneddol arbennig.

"Mae'r ardal yn agos iawn at fy nghalon ar ôl ymweld â hi'n rheolaidd gyda fy nheulu pan o'n i'n tyfu fyny yng Nghymru, ac mae hefyd yn le arbennig iawn i sawl un o'n chwaraewyr.

"Rydym yn gobeithio y bydd cynnal y digwyddiad ar y copa'n arddangos harddwch naturiol ein gwlad ac yn helpu i roi Cymru ar lwyfan fyd-eang yn ystod yr Euros dros yr haf."

Pynciau cysylltiedig

Straeon perthnasol