/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Tri athro wedi'u hanafu gan gyn-ddisgybl - heddlu

Ysgol Uwchradd CasnewyddGoogle

Aeth Ysgol Uwchradd Casnewydd i "lockdown" am gyfnod ddydd Mawrth

Cafodd tri athro ysgol uwchradd eu hanafu mewn ymosodiad honedig gan gyn-ddisgybl yn ei arddegau.

Cafodd Heddlu Gwent eu galw i ddigwyddiad yn Ysgol Uwchradd Casnewydd ddydd Mawrth.

Cafodd dau athro eu trin am fân anafiadau, ac fe aeth athro arall i'r ysbyty fel rhagofal, meddai'r llu.

Fe achosodd y cyn-ddisgybl ddifrod i eiddo'r ysgol ac i geir, meddai'r heddlu, ac fe aeth yr ysgol i "lockdown" am gyfnod.

Dywedodd Cyngor Casnewydd fod y digwyddiad wedi "peri gofid mawr i staff a disgyblion, yn enwedig y rhai a welodd y digwyddiad".

Dywedodd llefarydd nad oedd tystiolaeth fod cyllell wedi'i defnyddio, ac na chafodd unrhyw arf ei ddefnyddio yn y digwyddiad.

"Rydym yn cymryd diogelwch ysgolion o ddifrif ac, mae gennym ystod o fesurau ar waith, ond mae adolygiad yn cael ei gynnal i weld a ellid cymryd unrhyw ragofalon pellach," meddai.

Mae ymholiadau'r heddlu yn parhau.

Pynciau cysylltiedig