/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Cyhuddo menyw o achosi i fabi farw trwy yrru'n beryglus

Mabli Cariad HallLlun teulu

Bu farw Mabli Cariad Hall yn Ysbyty Plant Bryste fis Mehefin y llynedd, bedwar diwrnod wedi'r gwrthdrawiad tu allan i Ysbyty Llwynhelyg

Mae menyw 70 oed wedi cael ei chyhuddo o achosi marwolaeth babi wyth mis oed yn dilyn gwrthdrawiad tu allan i ysbyty yn Sir Benfro y llynedd.

Bu farw Mabli Cariad Hall o'i hanafiadau yn Ysbyty Plant Bryste, bedwar diwrnod wedi’r gwrthdrawiad rhwng car a cherddwyr ger Ysbyty Llwynhelyg, Hwlffordd.

Fe fydd Bridget Carole Curtis, o bentref Begeli yn ymddangos yn Llys Ynadon Llanelli ddydd Iau, 22 Awst.

Dywed Heddlu Dyfed-Powys ei bod wedi cael ei chyhuddo o achosi marwolaeth trwy yrru'n beryglus.

Clywodd cwest fis Gorffennaf y llynedd bod Mabli mewn coets adeg y gwrthdrawiad.

Dywedodd teulu Mabli mewn datganiad: "Y flwyddyn ddiwethaf yw cyfnod mwyaf ofnadwy ein bywydau.

"Mae ein bywyd teuluol wedi newid am byth a hyd heddiw rydym yn dal yn ceisio dod i delerau gyda'r hyn sydd wedi digwydd.

"Rydym yn deall bod mwy i ddod ond dyma'r cam mwyaf ymlaen i ni ers Mehefin y llynedd."

Gan ddiolch i bawb "sydd wedi ein cefnogi trwy'r cyfnod heriol yma" ychwanegodd y teulu: "Wnawn ni fyth anghofio'r cariad a'r gefnogaeth yna na'r atgof o ein hangel annwyl, Mabli Cariad."

Pynciau cysylltiedig