/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Ail gartrefi: Diffyg tai 'yn newid poblogaeth Ceredigion'

Ceinewydd, CeredigionGetty Images

Dros Geredigion, mae 1,700 o ail gartrefi wedi eu cofnodi gan y cyngor

Gan Bethan James
Gohebydd Gwleidyddol BBC Cymru

Mae diffyg tai yn newid poblogaeth Ceredigion, yn ôl aelod o gyngor y sir.

"Dau o'r prif bryderon i'n pobl ifanc yw nad oes tai fforddiadwy na swyddi ar gael iddyn nhw", meddai Barry Rees, cyfarwyddwr corfforaethol Cyngor Sir Ceredigion, wrth ASau.

Dywedodd Mr Rees wrth bwyllgor seneddol ddydd Mercher bod data'n dangos gostyngiad mewn poblogaeth iau yn y sir, a phobl oed gweithio.

Daw wrth i un o'r ardal ddisgrifio'r her o geisio prynu tŷ fel "amhosib".

Roedd Mr Rees yn rhoi tystiolaeth fel rhan o ymchwiliad Pwyllgor Dethol Materion Cymreig i newidiadau poblogaeth yng Nghymru.

Gofynnodd cadeirydd y pwyllgor, Stephen Crabb, "a yw ail gartrefi yn lladd cymunedau yng Ngheredigion">