ငလျင်ကြီးလှုပ်ချိန် 6q6t1c

နေပြည်တော်မှာ ဘာတွေဖြစ်ခဲ့လဲ 595r54

လွန်ခဲ့တဲ့ နှစ်ပေါင်း ၃၀ ကျော် ကာလတောက်လျှောက် မြန်မာနိုင်ငံကို အုပ်ချုပ်ခဲ့သူတွေ နေပြည်တော်မှာ ရှိနေပြီး ​​​​ ငလျင်ဒဏ်ကို ခံစားခဲ့ရပါတယ်။ 456v10

နေပြည်တော်ကို တည်ခဲ့တဲ့ ဗိုလ်ချုပ်မှူးကြီးသန်းရွှေ၊ သမ္မတဟောင်းဦးသိန်းစိန်နဲ့ လက်ရှိအာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်တို့ ငလျင်ဒဏ်ခံစားခဲ့ရပြီး NLD အစိုးရအဖွဲ့ဦးဆောင်သူ ဒေါ်အောင်ဆန်းစုကြည်လည်း အချုပ်ခန်းထဲကနေ ငလျင်ကို ရင်ဆိုင်ခဲ့ရပါတယ်။ 

သမ္မတအိမ်တော်၊ လွှတ်တော်၊ ပြည်ထောင်စုတရားလွှတ်တော်ချုပ်၊ စစ်ရုံးနဲ့ဝန်ကြီးဌာနတွေကနေ ဝန်ထမ်းအိမ်ရာတွေအထိနေပြည်တော်ဟာ အပျက်အစီးများခဲ့တာ ဖြစ်ပါတယ်။ ငလျင်ဟာ နေပြည်တော်က အစိုးရရုံးအဆောက်အအုံတွေကို ဖျက်ဆီးလိုက်ရုံမက စစ်ခေါင်းဆောင်တွေရဲ့ မဟာဗျူဟာမြောက်စစ်ရေးအဆောက်အအုံတွေကိုပါ ထိခိုက်စေခဲ့ပါတယ်။ 

အဲဒီထဲမှာ နေပြည်တော်အနီးမှာ ဆောက်ဖို့စီစဉ်ထားတဲ့ နျူကလီးယားလျှပ်စစ်ဓာတ်အားပေးစက်ရုံ၊ စစ်ရုံးထဲက လျှို့ဝှက်ကွပ်ကဲရေးဌာနချုပ်နဲ့ နေပြည်တော်က ကာကွယ်ရေးပစ္စည်းစက်ရုံတွေရဲ့ လုံခြုံ‌ရေးတွေကို ပြန်လည်စဉ်းစားဖို့အထိ သက်ရောက်ခဲ့တာဖြစ်ပါတယ်။ 

ငလျင်မိသွားတဲ့ စစ်ခေါင်းဆောင်မိသားစု 471z4u

ငလျင်မိသွားတဲ့ စစ်ခေါင်းဆောင်မိသားစု 471z4u

ရန်ကုန်ကနေ တပ်မတော်နေ့အခမ်းအနားကိုလာတက်တဲ့ ဗိုလ်ချုပ်မှူးကြီးမင်းအောင်လှိုင်ရဲ့ မိသားစုဟာ မတ်လ ၂၈ ရက်ကလှုပ်တဲ့ အင်အားပြင်းငလျင်ဒဏ်ကို ခံစားခဲ့ရပါတယ်။ 

စစ်ခေါင်းဆောင်ရဲ့ မိသားစုဟာ ထိတ်လန့်ခဲ့ပြီး အဆောက်အအုံထဲကိုတောင် မဝင်ရဲတော့ဘဲ စစ်ရုံးပရဝုဏ်အတွင်းမှာ နာရီအတန်ကြာ နေခဲ့ရတယ်လို့ စစ်ရုံးထဲက ဘီဘီစီ သတင်းရင်းမြစ်တွေက ပြောပါတယ်။ အဲဒီနောက် အထူးလေယာဉ်နဲ့ ရန်ကုန်ကိုပြန်ပို့ပေးခဲ့ရတယ်လို့ သိရပါတယ်။  

ငလျင်လှုပ်ချိန်မှာ ဗိုလ်ချုပ်မှူးကြီးမင်းအောင်လှိုင်လည်း စစ်ရုံးမှာရှိနေခဲ့ပါတယ်။ သူငလျင်ဒဏ်ခံခဲ့ရတဲ့အတွေ့အကြုံကို ဧပြီ ၁ ရက်တုန်းက နေပြည်တော်မှာလုပ်တဲ့ ငလျင်ဘေးဒဏ်သင့် ပြည်သူတွေအတွက် အလှူငွေပေးအပ်ပွဲမှာ ပြန်ပြောပြခဲ့ပါတယ်။ 

‘‘တဖြည်းဖြည်းနဲ့ပိုလှုပ်လာချိန်မှာ ကျွန်တော်လည်း လုံခြုံမှုရအောင် နေရာယူထားရတာပေါ့’’ 1j5j18

ဗိုလ်ချုပ်မှူးကြီးမင်းအောင်လှိုင် h402

အဲဒီနောက် စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်ကို သူ့ရဲ့ လုံခြုံရေးအဖွဲ့က အပြင်ခေါ်ထုတ် သွားခဲ့ပါတယ်။ 

အဆောက်အဦထဲမှာ မနေစေတော့ဘဲ အပြင်မှာနေဖို့ပဲ လုံခြုံရေးအဖွဲ့က အကြံပြုခဲ့လို့ တစ်နာရီကျော်အောင် အပြင်မှာနေခဲ့ရတယ်လို့ သူကပြောပါတယ်။ 

နေပြည်တော်ကို တည်ခဲ့တဲ့ ဗိုလ်ချုပ်မှူးကြီးသန်းရွှေအပါအဝင် တပ်အကြီးအကဲဟောင်းတွေနေထိုင်တဲ့ ခြောက်လုံးတန်းလည်း ငလျင်ဒဏ်သင့်ခဲ့ပေမဲ့ လူအထိအခိုက်မရှိဘူး လို့ နီးစပ်သူတွေက ပြောပါတယ်။ 

ရာဇသင်္ဂဟအဝိုင်းအနီးမှာရှိတဲ့ ခြောက်လုံးတန်းမှာ အငြိမ်းစား စစ်အစိုးရ ခေါင်းဆောင်တွေဖြစ်ကြတဲ့ နိုင်ငံတော်အေးချမ်းသာယာရေးနဲ့ ဖွံ့ဖြိုးရေးကောင်စီ (နအဖ) ဥက္ကဋ္ဌ ဗိုလ်ချုပ်မှူးကြီးသန်းရွှေ၊ ဒုတိယဥက္ကဋ္ဌ ဒုတိယဗိုလ်ချုပ်မှူးကြီးမောင်အေး၊ အဖွဲ့ဝင်တွေဖြစ်တဲ့ ဗိုလ်ချုပ်ကြီးသူရရွှေမန်း၊ ဗိုလ်ချုပ်ကြီး သိန်းစိန်၊ ဒုတိယဗိုလ်ချုပ်ကြီး သီဟသူရတင်အောင်မြင့်ဦးနဲ့ ဒုတိယဗိုလ်ချုပ်ကြီးတင်အေးတို့ နေထိုင်ကြပါတယ်။ 

ပျက်စီးသွားတဲ့သမ္မတအိမ်တော်နဲ့လွှတ်တော်အဆောက်အအုံ  1u241a

ပျက်စီးသွားတဲ့သမ္မတအိမ်တော်နဲ့လွှတ်တော်အဆောက်အအုံ  1u241a

ဗိုလ်ချုပ်မှူးကြီးသန်းရွှေဟာ လွန်ခဲ့တဲ့အနှစ်နှစ်ဆယ်ကျော်က နေပြည်တော်ကို တည်ထောင်ခဲ့တဲ့အခါ သမ္မတအိမ်တော်၊ လွှတ်တော်အဆောက်အအုံတွေနဲ့ ဝန်ကြီးဌာနရုံးတွေကို ခမ်းခမ်းနားနား တည်ဆောက်ခဲ့ပါတယ်။ 

မတ်လ ၂၈ ရက် ငလျင်မှာ မဏ္ဍိုင် ၃ ရပ်လုံးကို ကိုယ်စားပြုတဲ့ ရုံးအဆောက်အအုံတွေ ပျက်စီးခဲ့ပြီး သမ္မတအိမ်တော်၊ လွှတ်တော်အဆောက်အအုံတွေနဲ့ ပြည်ထောင်စုတရားလွှတ်တော်ချုပ် အဆောက်အအုံတွေ ပျက်စီးခဲ့ပါတယ်။ 

အပျက်အစီးတွေထဲမှာ ဗိုလ်ချုပ်မှူးကြီးမင်းအောင်လှိုင် အစည်းအဝေးလုပ်လေ့ရှိတဲ့ ခန်းမတွေပါ ပါဝင်ခဲ့ပါတယ်။ 

ဝန်ကြီးဌာနရုံးတွေနဲ့ ဝန်ထမ်းအိမ်ရာတွေလည်း ပျက်စီးခဲ့ပြီး ဝန်ထမ်းတွေဟာ ယာယီရွက်ဖျင်တဲတွေ၊ ကားရပ်နားနေရာတွေမှာရုံးဖွင့်ပြီး အုပ်ချုပ်ရေးနဲ့ ကူညီကယ်ဆယ်ရေးယန္တရားကို ဆက်လည်ပတ်နေတာ တွေ့ရပါတယ်။ 

ငလျင်လှုပ်ပြီး တစ်ပတ်အကြာမှာ ပထမဆုံးပြန်လုပ်တဲ့ ပြည်ထောင်စုအစိုးရအဖွဲ့အစည်းအဝေးက ပုံမှန်လုပ်နေတဲ့ အစည်းအဝေးခန်းမ နှစ်ခုမှာ မလုပ်နိုင်ခဲ့ဘဲ တခြားခန်းမ တစ်ခုမှာ ပြောင်းရွှေ့ပြုလုပ်ခဲ့တာ တွေ့ရပါတယ်။ 

ဗိုလ်ချုပ်မှူးကြီးမင်းအောင်လှိုင် အစည်းအဝေးပြုလုပ်ရာခန်းမကို ငလျင်လှုပ်ပြီးနောက် တွေ့ရစဥ်

ဧပြီ ၅ ရက်က သမ္မတအိမ်တော်မှာ ပြုလုပ်တဲ့ အစည်းအဝေး

ဒေါ်အောင်ဆန်းစုကြည် ထိတ်လန့်  1b243w

ဒေါ်အောင်ဆန်းစုကြည် ထိတ်လန့်  1b243w

မတ်လ ၂၈ ရက် ငလျင်ကြီးလှုပ်ချိန်မှာ နေပြည်တော်မှာ အကျဉ်းချခံထားရတဲ့ နိုင်ငံ‌တော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အခြေအနေကိုလည်း စိုးရိမ်ခဲ့ကြပါတယ်။  493c4x

သားဖြစ်သူ ကင်မ်အဲရစ် ခေါ်  ကိုထိန်လင်း နဲ့ ရှေ့နေတွေဟာ ဒေါ်အောင်ဆန်းစုကြည်ရဲ့ အခြေအနေကို စုံစမ်းခဲ့ကြပြီး အန္တရာယ်ကင်းတယ်ဆိုတာသိရလို့ စိတ်သက်သာရာရခဲ့ကြပါတယ်။  ဒါပေမဲ့ ဒေါ်အောင်ဆန်းစုကြည်တစ်ယောက် ငလျင်ကြောင့် ထိတ်လန့်တကြားဖြစ်သွားခဲ့တယ်လို့ စစ်ရုံးက ဘီဘီစီသတင်းအရင်းအမြစ်က ပြောပါတယ်။ 

ငလျင်လှုပ်ချိန်မှာ ဒေါ်အောင်ဆန်းစုကြည်ဟာ သူ့ကိုအကျယ်ချုပ်ချထားတဲ့ နေပြည်တော်က နေအိမ်တစ်လုံးမှာရှိနေပြီး အကျဉ်းထောင်ထဲမှာမဟုတ်ဘူးလို့ ဘီဘီစီရဲ့သတင်းအရင်းအမြစ်က ပြောပါတယ်။ သူ့ကို ထားတဲ့ နေရာအဆောက်အဦကတော့ ထိခိုက်ပျက်စီးမှု ကြီးကြီးမားမား မရှိခဲ့ဘူးလို့ ဆိုပါတယ်။ 

ဒေါ်အောင်ဆန်းစုကြည်ကို အကျဉ်းချထားတဲ့နေရာကို စစ်ကောင်စီကတရားဝင်ထုတ်မပြောပါဘူး။ ဒေါ်အောင်ဆန်းစုကြည်ကို ဖမ်းဆီးထိန်းသိမ်းခဲ့ပြီးချိန်ကစလို့ နေပြည်တော်က နေရာသုံးခုထက်မနည်းကို ပြောင်းရွှေ့ခဲ့တယ် လို့ ဘီဘီစီရဲ့ စုံစမ်းမှုအရ သိရပါတယ်။

နေပြည်တော်အချုပ်ထောင်၊ ဒုတိယဝန်ကြီးအိမ်ရာတစ်ခုနဲ့ နေပြည်တော်တိုင်းစစ်ဌာနချုပ်ထဲက ရိပ်သာတစ်ခု တို့မှာ ပြောင်းရွှေ့ချုပ်နှောင်ခဲ့တာဖြစ်ပါတယ်။ လက်ရှိ အကျယ်ချုပ်ချထားတဲ့ နေအိမ်ကနေ လတ်တလော ရွှေ့ဖို့ အစီအစဉ်မရှိဘဲ အဲဒီနေရာမှာ လုံခြုံစိတ်ချရတယ်လို့ နေပြည်တော်က ဘီဘီစီသတင်းအရင်းအမြစ်က ပြောပါတယ်။ 

နျူ ဓာတ်အားပေးစက်ရုံတည်နေရာ 304mw

ငလျင်ကြောင့် နေပြည်တော်တဝိုက်မှာရှိတဲ့ မဟာဗျူဟာမြောက် စစ်အခြေစိုက်နေရာတွေ ကိုတော့ သက်ရောက်မှုရှိခဲ့ပါတယ်။ 

နေပြည်တော်အနီးမှာ ဆောက်ဖို့စီစဉ်ထားတဲ့ နျူကလီးယားဓာတ်အားပေးစက်ရုံရဲ့ တည်နေရာကို ငလျင်ကြောင့် ပြန်စဉ်းစားနေတယ်လို့ စစ်ရုံးအရင်းအမြစ်က ဘီဘီစီကို ပြောပါတယ်။ 

ဒါ့အပြင် ပြည်ပကျူးကျော်စစ်ကြုံလာရင် အရေးပေါ်ကွပ်ကဲဖို့အတွက် နေပြည်တော်စစ်ရုံးအောက်မှာ လျှို့ဝှက်တည်ဆောက်ထားတဲ့ ကွပ်ကဲမှုရုံးနေရာလည်း ငလျင်ကြောင့် ထိခိုက်ခဲ့ပါတယ်။ 

ဒီနေရာကိုလည်း ပြန်အသုံးပြုလို့ရမရ စစ်ဆေးပြုပြင်မှုတွေလုပ်နေတယ်လို့ ဘီဘီစီရဲ့ သတင်းအရင်းအမြစ်က ပြောပါတယ်။ 

ဒါ့အပြင် မြန်မာစစ်တပ်က ထုတ်လုပ်နေတဲ့ လက်နက်ခဲယမ်းတွေ အတွက် ယမ်းစပ်တဲ့ အဓိက ကာကွယ်ရေးပစ္စည်းစက်ရုံကိုလည်း နေပြည်တော်ကို ပြောင်းရွှေ့ထားတဲ့အတွက် စက်ရုံရဲ့လုံခြုံဘေးကင်းမှုကို ဂရုစိုက်နေတယ်လို့ စစ်ဘက်သတင်းအရင်းအမြစ်တွေက ပြောပါတယ်။ 

အရင်က အဲဒီကာကွယ်ရေးပစ္စည်းစက်ရုံတွေဟာ ပဲခူးတိုင်းထဲက ဥသျှစ်ပင်မြို့နယ် အနီးတဝိုက်မှာ ဖြစ်ပြီး တိုက်ပွဲဧရိယာထဲရောက်နေတဲ့ နေရာတွေ ဖြစ်လို့ ပြောင်းရွှေ့လိုက်တာ ဖြစ်ပါတယ်။ 

ဒါပေမဲ့ စစ်ရုံးထဲကအဆောက်အအုံတွေကတော့ သမ္မတအိမ်တော်နဲ့ လွှတ်တော်အဆောက်အအုံတွေထက်စာရင် အပျက်အစီးနည်းခဲ့တယ်လို့ စစ်ရုံးအရင်းအမြစ်တွေက ပြောပါတယ်။ 

မတ်လ ၂၈ ရက် ငလျင်ကြီးလှုပ်ချိန်မှာ နေပြည်တော်မှာ အကျဉ်းချခံထားရတဲ့ နိုင်ငံ‌တော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အခြေအနေကိုလည်း စိုးရိမ်ခဲ့ကြပါတယ်။  493c4x

သားဖြစ်သူ ကင်မ်အဲရစ် ခေါ်  ကိုထိန်လင်း နဲ့ ရှေ့နေတွေဟာ ဒေါ်အောင်ဆန်းစုကြည်ရဲ့ အခြေအနေကို စုံစမ်းခဲ့ကြပြီး အန္တရာယ်ကင်းတယ်ဆိုတာသိရလို့ စိတ်သက်သာရာရခဲ့ကြပါတယ်။  ဒါပေမဲ့ ဒေါ်အောင်ဆန်းစုကြည်တစ်ယောက် ငလျင်ကြောင့် ထိတ်လန့်တကြားဖြစ်သွားခဲ့တယ်လို့ စစ်ရုံးက ဘီဘီစီသတင်းအရင်းအမြစ်က ပြောပါတယ်။ 

ငလျင်လှုပ်ချိန်မှာ ဒေါ်အောင်ဆန်းစုကြည်ဟာ သူ့ကိုအကျယ်ချုပ်ချထားတဲ့ နေပြည်တော်က နေအိမ်တစ်လုံးမှာရှိနေပြီး အကျဉ်းထောင်ထဲမှာမဟုတ်ဘူးလို့ ဘီဘီစီရဲ့သတင်းအရင်းအမြစ်က ပြောပါတယ်။ သူ့ကို ထားတဲ့နေရာ အဆောက်အဦကတော့ ထိခိုက်ပျက်စီးမှု ကြီးကြီးမားမား မရှိခဲ့ဘူးလို့ ဆိုပါတယ်။ 

ဒေါ်အောင်ဆန်းစုကြည်ကို အကျဉ်းချထားတဲ့နေရာကို စစ်ကောင်စီကတရားဝင်ထုတ်မပြောပါဘူး။ ဒေါ်အောင်ဆန်းစုကြည်ကို ဖမ်းဆီးထိန်းသိမ်းခဲ့ပြီးချိန်ကစလို့ နေပြည်တော်က နေရာသုံးခုထက်မနည်းကို ပြောင်းရွှေ့ခဲ့တယ် လို့ ဘီဘီစီရဲ့ စုံစမ်းမှုအရ သိရပါတယ်။

နေပြည်တော်အချုပ်ထောင်၊ ဒုတိယဝန်ကြီးအိမ်ရာတစ်ခုနဲ့ နေပြည်တော်တိုင်းစစ်ဌာနချုပ်ထဲက ရိပ်သာတစ်ခု တို့မှာ ပြောင်းရွှေ့ချုပ်နှောင်ခဲ့တာဖြစ်ပါတယ်။ လက်ရှိ အကျယ်ချုပ်ချထားတဲ့ နေအိမ်ကနေ လတ်တလော ရွှေ့ဖို့ အစီအစဉ်မရှိဘဲ အဲဒီနေရာမှာ လုံခြုံစိတ်ချရတယ်လို့ နေပြည်တော်က ဘီဘီစီသတင်းအရင်းအမြစ်က ပြောပါတယ်။ 

နျူ ဓာတ်အားပေးစက်ရုံတည်နေရာ 304mw

ငလျင်ကြောင့် နေပြည်တော်တဝိုက်မှာရှိတဲ့ မဟာဗျူဟာမြောက်စစ်အခြေစိုက်နေရာတွေကိုတော့ သက်ရောက်မှုရှိခဲ့ပါတယ်။ 

နေပြည်တော်အနီးမှာ ဆောက်ဖို့စီစဉ်ထားတဲ့ နျူကလီးယားဓာတ်အားပေးစက်ရုံရဲ့ တည်နေရာကို ငလျင်ကြောင့် ပြန်စဉ်းစားနေတယ်လို့ စစ်ရုံးအရင်းအမြစ်က ဘီဘီစီကို ပြောပါတယ်။ 

ဒါ့အပြင် ပြည်ပကျူးကျော်စစ်ကြုံလာရင် အရေးပေါ်ကွပ်ကဲဖို့အတွက် နေပြည်တော်စစ်ရုံးအောက်မှာ လျှို့ဝှက်တည်ဆောက်ထားတဲ့ ကွပ်ကဲမှုရုံးနေရာလည်း ငလျင်ကြောင့်ထိခိုက်ခဲ့ပါတယ်။ 

ဒီနေရာကိုလည်း ပြန်အသုံးပြုလို့ရမရ စစ်ဆေးပြုပြင်မှုတွေလုပ်နေတယ်လို့ ဘီဘီစီရဲ့သတင်းအရင်းအမြစ်က ပြောပါတယ်။ 

ဒါ့အပြင် မြန်မာစစ်တပ်က ထုတ်လုပ်နေတဲ့ လက်နက်ခဲယမ်းတွေ အတွက် ယမ်းစပ်တဲ့ အဓိက ကာကွယ်ရေးပစ္စည်းစက်ရုံကိုလည်း နေပြည်တော်ကို ပြောင်းရွှေ့ထားတဲ့အတွက် စက်ရုံရဲ့ လုံခြုံဘေးကင်းမှုကို ဂရုစိုက်နေတယ်လို့ စစ်ဘက်သတင်းအရင်းအမြစ်တွေက ပြောပါတယ်။ 

အရင်က အဲဒီကာကွယ်ရေးပစ္စည်းစက်ရုံတွေဟာ ပဲခူးတိုင်းထဲက ဥသျှစ်ပင်မြို့နယ် အနီးတဝိုက်မှာ ဖြစ်ပြီး တိုက်ပွဲဧရိယာထဲရောက်နေတဲ့ နေရာတွေ ဖြစ်လို့ ပြောင်းရွှေ့လိုက်တာ ဖြစ်ပါတယ်။ 

ဒါပေမဲ့ စစ်ရုံးထဲကအဆောက်အအုံတွေကတော့ သမ္မတအိမ်တော်နဲ့ လွှတ်တော်အဆောက်အအုံတွေထက်စာရင် အပျက်အစီးနည်းခဲ့တယ်လို့ စစ်ရုံးအရင်းအမြစ်တွေက ပြောပါတယ်။ 

နေပြည်တော် ရွှေ့နိုင်လား  444j2c

နေပြည်တော် ရွှေ့နိုင်လား 3h1p5e

တစ်နိုင်ငံလုံးဘယ်နေရာမှမရှိတဲ့ ယာဥ်လမ်းကြော နှစ်ဆယ်ပါတဲ့ လမ်းမကြီးတွေ၊ ခမ်းနားထည်ဝါဖို့အတွက် လိုအပ်တာထက် ပိုကြီးမားအောင် ဆောက်ထားတဲ့ အဆောက်အအုံတွေရှိတဲ့ နေပြည်တော်မှာ ပျက်စီးဆုံးရှုံးမှုအမြောက်အများကို ငလျင်အပြီး မြင်တွေ့နေရပါတယ်။

ဝန်ကြီးဌာနအဆောက်အအုံအများအပြားနဲ့ ဝန်ထမ်းအိမ်ရာတွေ ပျက်စီးသွားတဲ့အပြင် ငလျင်ကြောပေါ်မှာ တည်ရှိနေတဲ့အတွက် နေပြည်တော်ကို ရွှေ့နိုင်မလားဆိုတဲ့ ထင်မြင်ယူဆချက်တွေလည်း ငလျင်အပြီးမှာ ထွက်ပေါ်လာခဲ့ပါတယ်။ 

နေပြည်တော်ကို ရွေးချယ်ခဲ့ပေမဲ့ စစ်ခေါင်းဆောင်အဆက်ဆက်ဟာ နေပြည်တော်အပြင် နောက်ထပ်ရွေးချယ်စရာမြို့တွေကို စဉ်းစားခဲ့တာတွေ့ရပါတယ်။

စစ်ရုံးကို ၈ မိုင် ကုန်းမြင့်သာကနေရွှေ့ဖို့ စဉ်းစားတဲ့အခါ ရန်ကုန်နဲ့ ပဲခူးကြားမှာရှိတဲ့ ရဲမွန်တပ်မြို့တဝိုက်၊ ဒဂုံမြို့သစ်အ‌ရှေ့ပိုင်းမြို့နယ် တဝိုက်တို့ကို လျာထားစာရင်းထဲ ထည့်ခဲ့ပေမဲ့ နေပြည်တော်ကိုသာ ‌ဗိုလ်ချုပ်မှူးကြီးသန်း‌ရွှေက အကြိုက်အတွေ့ဆုံးဖြစ်ခဲ့ပါတယ်။ 

အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင် လက်ထက်မှာလည်း မိထ္ထီလာကို မြို့တော်ပြောင်းနိုင်တယ်လို့ ငလျင်မတိုင်ခင်ကတည်းက မှန်းဆချက်တွေ ရှိခဲ့ကြတာပါ။ 

အုပ်ချုပ်ရေးမြို့တော်ကို နေပြည်တော်ကနေ ရွှေ့နိုင်မလားလို့ စစ်ရုံးက ဘီဘီစီသတင်းအရင်းအမြစ်တစ်ဦးကို မေးတဲ့အခါ လတ်တလော မဖြစ်နိုင်ဘူး လို့ဆိုပါတယ်။ 

‘‘ငွေမရှိဘူး’’ လို့ သူက ပြောပါတယ်။  2mu3g

ဘီဘီစီမြန်မာပိုင်းနှင့် East Asia Visual Journalism team ၂၀၂၅ ဧပြီ ၁၅ ရက်

သတင်း - နန္ဒ
အယ်ဒီတာ - မင်းထက်
ထုတ်လုပ်ရေးမှူး - မေသဇင်လဲ့
ဓာတ်ပုံများ - Getty Images၊ CINCDS

မူပုိင္ခြင့္ ဓါတ္ပံုမ်ား. Shorthand ဖြင့်တည်ဆောက်ထား.