/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Crynodeb

  • Y Prif Weinidog Mark Drakeford yn ateb cwestiynau ASau, am y tro cyntaf ers toriad yr haf.

Y diweddaraf yn fyw

Alun Jones

  1. Hwyl fawr

    Dyna ddiwedd y Cwestiynau i'r Prif Weinidog.

    Bydd y Senedd yn cael ei goleuo unwaith eto yn lliwiau glas a melyn baner Wcráin heno, fel arwydd o undod â hwy.

    Da boch chi.

    Senedd CymruSenedd Cymru

  2. Adeiladau Cymru

    Hyd yn hyn "dim ond achosion ynysig" sydd wedi bod o RAAC (concrit awyrog awtoclaf cyfnerth) yn adeiladau Cymru, meddai'r prif weinidog.

    Mae'n dweud y dylai llywodraeth y DU dalu am filiau atgyweirio oherwydd bod "rhwymedigaethau sy'n cael eu hysgwyddo oherwydd penderfyniadau a wnaed cyn datganoli yn parhau i fod yn gyfrifoldeb i lywodraeth y DU".

    Ysgol Uwchradd Caergybi ac Ysgol David HughesGoogle

    Cafodd Ysgol Uwchradd Caergybi ac Ysgol David Hughes eu cau dros dro oherwydd pryderon RAAC

  3. Parc Antur Eryri

    Mark Drakeford

    Mark Drakeford

    Mae'r Ceidwadwr Janet Finch-Saunders yn gofyn "pa drafodaethau y mae'r prif weinidog wedi'u cael ynglŷn â chau Parc Antur Eryri">Cyhoeddodd Parc Antur Eryri ei fod yn cau ar unwaith

  • Ffos y Frân

    Mae Delyth Jewell o Blaid Cymru yn mynegi pryder bod mwyngloddio glo yn parhau yn Ffos y Frân ac am ddiffyg arian i wneud gwaith adfer.

    Dywed Mr Drakeford "y cyflwynwyd hysbysiad gorfodi cynllunio i weithredwr y safle gan Gyngor Bwrdeistref Sirol Merthyr Tudful. Mae'r cwmni wedi cyflwyno apêl yn erbyn yr hysbysiad i Weinidogion Cymru. Yn ogystal, mae gan Coal Action Network achos cyfreithiol parhaus, a thrafodaeth gyda'r llysoedd yn cael eu cynnal ar hyn o bryd."

    Ychwanegodd bod perygl y bydd y safle'n cael ei adael mewn cyflwr peryglus gan y cwmni.

    Bydd gwaith glo brig mwyaf y DU yn cau ar 30 Tachwedd eleni, yn ôl ei weithredwr Merthyr (South Wales) Ltd.

    Daw ar ôl i’w ganiatâd cynllunio ddod i ben ym mis Medi 2022 a chafodd ei apêl am fwy o amser ei gwrthod gan y cyngor lleol.

    Bydd holl weithwyr y safle, tua 180 ohonynt, yn cael eu diswyddo.

    Dechreuwyd cloddio am lo yng ngwaith Ffos-y-Frân ym Merthyr Tudful yn 2007Getty Images

    Dechreuwyd cloddio am lo yng ngwaith Ffos-y-Frân ym Merthyr Tudful yn 2007

  • Colli 100 o swyddi mewn ffatri

    Mae colli 100 o swyddi mewn ffatri wedi cael ei feio ar lywodraeth y DU gan y prif weinidog Mark Drakeford.

    Meddai, "ar ôl cyhoeddi cyfarwyddyd dadfuddsoddi, mae llywodraeth y DU wedi cerdded i ffwrdd. Nawr, gadewch inni dybio am eiliad bod ganddyn nhw reswm da dros y penderfyniad hwnnw; yr hyn na allant fod wedi meddwl ei fod yn rhesymol yw gosod yr holl swyddi hynny mewn perygl ac yna i weithredu fel pe bai eu penderfyniad wedi cael dim byd i'w wneud â'r hyn sydd wedi digwydd ers hynny.

    "A dyna sut y maent wedi gweithredu. Yn syml, maent wedi gadael y llanast ar eu hôl, ac mae hynny bellach yn cael ei deimlo yn y 100 o swyddi a fydd yn cael eu colli ar y safle."

    Cafodd Nexperia, sy'n eiddo i Tsieina, orchymyn gan weinidogion y DU i werthu ei gyfran o 86% yn y safle yng Nghasnewydd oherwydd pryderon diogelwch cenedlaethol.

    Mae lled-ddargludyddion a wneir yn Wafer Fab Casnewydd yn cael eu defnyddio mewn miliynau o gynhyrchion electronig, o ffonau clyfar i offer cartref a cheir.

    Mae llywodraeth y DU wedi dweud eu bod wedi ymrwymo i ddod o hyd i berchennog safle newydd.

    Nexperia

  • Beth fyddai llywodraeth Lafur yn y DU yn ei wneud i Gymru?

    Mae arweinydd Plaid Cymru, Rhun ap Iorwerth yn nodi bod Llywodraeth Cymru yn dweud bod ganddi £900m yn llai nag yr oedd yn disgwyl i dalu am wasanaethau cyhoeddus.

    Mae'n gofyn beth fyddai llywodraeth Lafur y DU yn ei wneud i fynd i'r afael â'r sefyllfa. “Rwy’n meddwl y bydd pobl Cymru yn chwilio am sicrwydd y byddai llywodraeth Lafur yn adfer cyllid… a all y prif weinidog yn awr addo, ar HS2 ac ar gyflogau’r sector cyhoeddus, y bydd Keir Starmer nawr yn cyflawni ei ddymuniadau fel arweinydd y Blaid Lafur yng Nghymru">Rhun ap Iorwerth

  • O 30mya i 20mya yng Nghymru

    Andrew RT Davies

    Andrew RT Davies

    Mae Andrew RT Davies, arweinydd y Ceidwadwyr Cymreig yn y Senedd, yn parhau i fynegi pryder am y gyfraith newydd a ddaw i rym ddydd Sul y bydd cyfyngiadau cyflymder mewn ardaloedd adeiledig yn cael eu gostwng o 30mya i 20mya yng Nghymru.

    Mae'n cyfeirio at "bryderon a fynegwyd gan y rhai yn y gwasanaethau brys" ac yn dweud "y gallai hyn gael sgil-effaith o £8.9 biliwn ar weithgaredd economaidd."

    "Pam ydych chi'n parhau i ddilyn y polisi pan mae'n amlwg nad yw'n cael ei dderbyn gan fwyafrif mawr pobl Cymru">Ffynhonnell y llun, Getty Images

  • Sefyllfa ariannol Bwrdd Iechyd Prifysgol Betsi Cadwaladr

    Mae Llyr Gruffydd o Blaid Cymru yn gofyn am ddatganiad am sefyllfa ariannol Bwrdd Iechyd Prifysgol Betsi Cadwaladr.

    Mae'r Prif Weinidog Mark Drakeford yn ateb, "ar ôl dros ddegawd o gyni, mae effaith chwyddiant rhemp wedi lleihau gwerth y gyllideb sydd ar gael i Fwrdd Iechyd Prifysgol Betsi Cadwaladr, fel pob corff cyhoeddus arall yng Nghymru. Yn y flwyddyn ariannol hon, mae'r bwrdd yn darogan bwlch o £134 miliwn rhwng yr adnoddau sydd ar gael a'r gwariant a ragwelir."

    Yr wythnos diwethaf, dywedodd Archwilio Cymru: "Er i Fwrdd Iechyd Prifysgol Betsi Cadwaladr adrodd ei fod wedi cyflawni ei ddyletswydd i fantoli ei gyfrifon dros gyfnod o dair blynedd, ceir ansicrwydd o hyd ynghylch yr alldro a adroddwyd yn deillio o effaith gweddilliol yr amodau a’r gwallau nas cywirwyd yng nghyfrifon 2021-22. Yn sgil hyn, ni fu modd i’r Archwilydd Cyffredinol ddod i’r casgliad, ym mhob agwedd perthnasol, bod gwariant yn 2022-23 wedi ei ddatgan yn deg a rhoddodd amod ar ei farn ‘gwir a theg’ ar gyfer y Bwrdd Iechyd yn 2022-23. Rhoddodd amod hefyd ar ei farn ‘rheoleidd-dra’ oherwydd i'r Bwrdd Iechyd ysgwyddo gwariant afreolaidd a thorri ei gyfarwyddyd ariannol sefydlog wrth wneud taliadau i gyn aelod gweithredol interim o’r Bwrdd."

    Bwrdd Iechyd Prifysgol Betsi Cadwaladr

  • Isafbris uned am alcohol

    Mae'r Ceidwadwr Russell George yn cwestiynu manteision isafbris uned am alcohol.

    Ymatebodd y Prif Weinidog Mark Drakeford bod Ymddiriedolaeth Afu Prydain wedi dod i’r casgliad mai isafbris uned oedd un o’r ffyrdd gorau o atal niwed a achosir gan alcohol.

    Mae Mr George yn tynnu sylw at ddata sy'n awgrymu bod "pobl yn yfed yn amlach, a dwywaith cymaint o bobl yn goryfed mewn pyliau" o gymharu â chyn cyflwyno isafbris.

    Daeth y gyfraith sy’n cyflwyno isafswm pris alcohol yng Nghymru i rym ym mis Mawrth 2020, gan orfodi manwerthwyr i ddefnyddio fformiwla ar gyfer cyfrifo isafswm pris.

    alcoholGetty Images

  • Croeso

    Prynhawn da, croeso i'n darllediad byw o'r Cwestiynau i'r Prif Weinidog, sy'n dechrau am 1.30pm.

    Cynhelir y cyfarfod llawn - y cyntaf yn y tymor Seneddol newydd - ar ffurf hybrid, gyda rhai aelodau yn Siambr y Senedd ac eraill yn ymuno drwy gyswllt fideo.