/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

'Galar a rhyddhad' cael diagnosis awtistiaeth yn oedolyn

Catrin

Cafodd Catrin Wager wybod ei bod hi'n awtistig ddiwedd y llynedd

Gan Elen Wyn
Newyddion S4C

Mae gwleidydd o'r gogledd wedi disgrifio'r profiad o gael diagnosis o awtistiaeth fel "galar a rhyddhad".

Cafodd Catrin Wager, sy'n ymgeisydd Plaid Cymru ar gyfer etholiad San Steffan, wybod ei bod hi'n awtistig ddiwedd y llynedd ac mae'n dweud fod "y geiniog wedi disgyn" iddi.

Mae hi'n galw am wella ymwybyddiaeth o'r hyn y gall pobl gyda chyflyrau niwrolegol gyfrannu i'r gymuned.

Yn ôl data gan elusen NAS Cymru, mae menywod yn fwy tebygol o gael diagnosis yn hwyrach na dynion.

'Drwy fy oes dwi wedi teimlo'n wahanol'

Fe ddechreuodd Ms Wager amau fod ganddi gyflwr niwroamrywiol pan gafodd ffrind agos iddi ddiagnosis.

"Wrth edrych yn ôl dwi'n meddwl, drwy fy oes dwi 'di teimlo yn wahanol," meddai.

"Mae 'na heriau wrth gymdeithasu a dydi cymdeithasu ddim yn reddfol."

Wrth siarad â Newyddion S4C, dywedodd fod 'na arwyddion ers ei phlentyndod.

"Mae rhywun yn edrych yn ôl ar fod yn blentyn a chofio'r holl adegau o drio gwneud jôc neu drio gwneud rhywbeth oedda' chi'n meddwl oedd yn iawn, a doedd o ddim, ac mae rhywun yn brifo."

Catrin

Mae Catrin Wager yn galw am wella ymwybyddiaeth o'r hyn y gall pobl gyda chyflyrau niwrolegol gyfrannu i'r gymuned

A hithau'n gyn-gynghorydd sir a bellach yn ymgeisydd ar gyfer etholiad San Steffan, mae'n dweud ei bod yn dechrau dod i ddeall yr hyn sy'n effeithio arni a sut mae goresgyn yr heriau.

"Yn benodol i fi, sain ydy'r peth dwi'n cael trafferth efo. Os oes lot o sŵn gwahanol dwi methu dehongli'r synau.

"O'n i wastad yn meddwl, 'fi 'di hwn... dwi'n rili weird a be sy'n wrong efo fi">