/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Gobeithion pobl ifanc o weithio ym maes dur ar ben?

Ysgol Gymraeg Ystalyfera Bro Dur

Bu BBC Cymru yn holi barn disgyblion chweched dosbarth Ysgol Gymraeg Ystalyfera Bro Dur am effaith colli swyddi Tata

Gan Bethan Lewis
Gohebydd Addysg a Theulu BBC Cymru

Mae enw eu hysgol yn adlewyrchu dylanwad gwaith dur Tata ym Mhort Talbot ar brofiadau rhai o ddisgyblion Ysgol Gymraeg Ystalyfera Bro Dur.

Mae'n rhan o hanes teulu Daniel, 17, a'i dad-cu wedi ail-hyfforddi fel athro ar ôl colli ei swydd yn y gwaith dur ddegawdau yn ôl.

Fe wnaeth y cwmni gadarnhau ddydd Gwener y byddai 2,800 o swyddi'n cael eu torri ar draws y Deyrnas Unedig, ac mae disgwyl i'r mwyafrif helaeth o'r rheiny fod ym Mhort Talbot.

Yn sgil pryder am gyfleoedd i bobl ifanc yn y dyfodol, fe alwodd cadeirydd Dinas-ranbarth Bae Abertawe ar y to iau i "lynu gyda ni" wrth iddyn nhw ddatblygu gyrfaoedd eraill yn yr ardal.