/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Dafydd Meredydd: 'Sgôp i ddatblygu Radio Cymru 2'

Mae golygydd newydd BBC Radio Cymru, Dafydd Meredydd wedi dweud ei fod yn gobeithio y bydd Radio Cymru 2 yn ehangu yn y dyfodol.

Ar hyn o bryd, mae'r gwasanaeth yn cynnig ychydig oriau yn y bore.

Dywedodd mai ei ddymuniad fyddai cerdded i fewn i siop yng Nghymru a chlywed "radio Cymraeg yn y cefndir".

"Mae ''na gamau i fynd i hynny ddigwydd ond dwi'n meddwl mae 'na gyfle yna ac mae 'na gyfle i gyrraedd cynulleidfa wahanol," meddai.

Cafodd Mr Meredydd ei benodi yn Bennaeth Gwasanaethau Cymraeg y BBC fis diwethaf.

Bydd yn olygydd BBC Radio Cymru a BBC Radio Cymru 2 ac yn goruchwylio cylchgrawn ar-lein BBC Cymru Fyw.