/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Saith o heddweision yn dioddef ymosodiadau yn Y Rhyl

heddlu

Dywed Heddlu'r Gogledd fod saith o'u swyddogion wedi dioddef ymosodiadau dros y penwythnos yn ardal Y Rhyl.

Fe wnaeth un unigolyn ymosod ar dri o swyddogion, ac mewn dau ddigwyddiad arall ar wahân cafodd dau o swyddogion eu brathu.

Dywedodd Mark Jones o Ffederasiwn Heddlu Gogledd Cymru fod ymosodiadau o'r fath yn gywilyddus a'u bod yn galw ar Wasanaeth Erlyn y Goron i sicrhau bod yr unigolion yn cael eu cosbi.

"Er na chafodd y swyddogion anafiadau difrifol, does yna ddim amehaueth y bydd yr ymosodiadau yn cael effaith ar y swyddogion.

"Mae pob ymosodiad ar aelodau o'r gwasanaethau brys yn ymosodiad ar gymdeithas."

Dywedodd y dirprwy brif gwnstabl Richard Debicki fod ymosodiadau o'r fath yn gwbl annerbyniol, a bod yn rhaid i'r rhai sy'n gyfrifol wynebu grym y gyfraith.

Straeon perthnasol