/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Bangor: Car yn 'anafu dynes yn ddifrifol cyn gyrru i ffwrdd'

ffordd glynneGoogle

Digwyddodd y gwrthdrawiad ar Ffordd Glynne ym Mangor

Mae Heddlu'r Gogledd wedi apelio am wybodaeth wedi i ddynes ym Mangor gael ei tharo gan gar wnaeth wedyn yrru i ffwrdd.

Cafodd swyddogion eu galw i Ffordd Glynne am 19:44 nos Lun yn dilyn adroddiadau o wrthdrawiad rhwng car a cherddwr.

Dywedodd yr heddlu bod y ddynes wedi ei chludo i Ysbyty Gwynedd ag anafiadau difrifol, ac mae'n parhau yn yr ysbyty.

Mae'r llu nawr yn adolygu lluniau CCTV ac wedi apelio ar unrhyw un â gwybodaeth i gysylltu â nhw.

"Mae'n hymchwiliadau ni'n parhau ac rydym yn gofyn i unrhyw un allai fod wedi gweld y cerbyd i gysylltu gyda ni," meddai'r Sarjant Raymond Williams o'r uned blismona ffyrdd.

"Y gred ydy ei fod yn gerbyd tywyll, o bosib Ford Mondeo neu rywbeth tebyg."