/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Datblygu diwydiant pysgod cregyn yng Nghymru

Bwyd môrReuters

Mae cynhyrchwyr, gwyddonwyr a rheoleiddwyr pysgod cregyn wedi cyfarfod ym Mhrifysgol Bangor er mwyn datblygu Canolfan Pysgod Cregyn newydd.

Bwriad sefydlu cynllun o'r fath yw cynyddu a chynnal sector pysgod cregyn dros Gymru.

Daw hyn wedi buddsoddiad o £2.8m gan yr Undeb Ewropeaidd i'r Ganolfan Wyddoniaeth ym mis Awst.

Dywedodd cyfarwyddwr y prosiect, Yr Athro Lewis Le Vay o Ganolfan y Môr Cymru Prifysgol Bangor, bod y gweithdy'n gyfle i "gydnabod cyfleoedd a chyfyngiadau yng nghyswllt cynhyrchu pysgod cregyn ledled Cymru".

'Creu diwydiant cynaliadwy'

"Y gobaith yw cynnal diwydiant pysgod cregyn llewyrchus," meddai'r Athro Lewis Le Vay.

Dywedodd fod y diwydiant ar hyn o bryd yn "ganolog i Fangor gyda dros hanner cynnyrch cregyn gleision Prydain yn dod o'r Fenai".

"Rydym yn gobeithio ehangu'r sector tu hwnt i'r ardal yma ac mae cynrychiolwyr o nifer o ardaloedd dros Gymru yn dod i'r gweithdy," ychwanegodd.

Dywedodd James Wilson, o Gynhyrchwyr Cregyn Gleision Bangor, ei fod yn edrych ymlaen at weld y "potensial yn nyfroedd Cymru i wella a chynyddu cynhyrchiant pysgod cregyn".

Straeon perthnasol