/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Tad prif hyfforddwr Cymru, Warren Gatland wedi marw

Warren GatlandBen Evans/Huw Evans Agency

Mae Warren Gatland, sydd o Seland Newydd yn wreiddiol, wedi bod yn brif hyfforddwr ar Gymru ers 2007

Mae Undeb Rygbi Cymru wedi cadarnhau fod Warren Gatland wedi dychwelyd i Seland Newydd yn dilyn marwolaeth ei dad.

Mewn datganiad ddydd Mawrth fe ddywedodd URC eu bod yn cydymdeimlo â phrif hyfforddwr Cymru yn dilyn y "newyddion trist".

Yr wythnos diwethaf fe gyhoeddodd Gatland ei garfan ar gyfer gemau'r tîm yng nghyfres yr hydref eleni.

Bydd Cymru yn wynebu'r Alban, Awstralia, Tonga a De Affrica, gyda'r ornest gyntaf yn erbyn yr Albanwyr ar 3 Tachwedd yn Stadiwm Principality.

Wnaeth Undeb Rygbi Cymru ddim cadarnhau a fydd Gatland, 55, yn dychwelyd mewn pryd i fod yn gyfrifol am y tîm ar gyfer yr ornest agoriadol honno.