/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Nathan Gill heb gamddefnyddio arian Ewrop, medd ymchwiliad

Nathan GillGetty Images

Dywedodd Nathan Gill fod y cyfnod pan oedd yn disgwyl am glirio ei enw yn gyhoeddus wedi bod yn un anodd

Ni wnaeth aelod Cymreig UKIP yn Senedd Ewrop, Nathan Gill, gamddefnyddio cyllid y senedd, yn ôl ymchwiliad gan gorff Ewropeaidd.

Dechreuodd y corff gwrth-dwyll OLAF ymchwilio i honiadau fod Mr Gill wedi defnyddio arian y senedd ar gyfer dibenion gwleidyddol ei blaid yn 2016.

Dywedodd Mr Gill, cyn-arweinydd UKIP yng Nghymru, fod yn "anodd disgwyl i glirio fy enw yn gyhoeddus".

Ychwanegodd bod yr honiadau wedi "gwastraffu" amser ac arian awdurdod ymchwilio'r Undeb Ewropeaidd.

Dywedodd llefarydd ar ran OLAF: "Mae OLAF wedi cwblhau'r ymchwiliad i honiadau o gamddefnydd posib o arian seneddol Ewropeaidd gan Nathan Gill.

"Cafodd yr achos ei gau heb unrhyw argymhelliad, ar ôl i OLAF ganfod nad oedd sail i'r honiadau gwreiddiol."

Roedd Mr Gill wedi mynnu o'r dechrau nad oedd wedi gwneud unrhyw beth o'i le.

Straeon perthnasol