/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Carchar i ddyn am wneud galwadau ffug i dîm achub mynydd

Michael Parry CuminskeyHeddlu Gogledd Cymru

Mae dyn 23 oed wedi ei garcharu am 16 mis, wedi iddo wneud nifer o alwadau ffug ei fod wedi ei anafu wrth fynydda.

Fe blediodd Michael Parry Cuminskey o Darlington yn euog i ddau gyhuddiad o achosi niwsans cyhoeddus yn dilyn y galwadau yn Eryri ac yn Cumbria ym mis Mawrth 2016.

Dywedodd y barnwr Huw Rees fod Cuminskey wedi ei ganfod yn euog o drosedd tebyg yn Yr Alban.

Clywodd y llys fod Cuminskey yn ddyn ifanc bregus, oedd wedi bod mewn gofal ers yn blentyn.

Roedd hefyd yn crefu sylw a chefnogaeth.

Ond dywedodd y Barnwr Rees fod cyfnod o garchar yn addas er mwyn diystyru eraill rhag ymddwyn yn yr un modd.

Roedd yn rhaid i swyddogion diogelwch ymatal Cuminskey rhag aflonyddu yn y doc, wrth iddynt ei hebrwng i'r celloedd yn dilyn y ddedfryd.