/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Brexit: 'Peidiwch ymddiried yn y Torïaid' meddai Plaid

Simon Thomas

Gofynnodd Simon Thomas pam fod Llywodraeth Cymru'n "rhoi dyfodol cyfansoddiadol Cymru yn nwylo'r llywodraeth Geidwadol"

Mae Plaid Cymru wedi annog Llywodraeth Cymru i "beidio ymddiried yn y Ceidwadwyr" a'u haddewidion am ddeddfwriaeth Brexit.

Roedd Simon Thomas AC yn ymateb i oedi yng nghynlluniau Llywodraeth y DU i newid cynlluniau deddfwriaethol i adlewyrchu pryderon am ei effaith ar ddatganoli.

Dywedodd yr Ysgrifennydd Cyllid, Mark Drakeford fod yr oedi'n "hynod siomedig" ond y byddan nhw'n ceisio sicrhau bod llywodraeth Theresa May yn dal at eu gair.

Fe ddywedodd Mrs May bod ei llywodraeth yn dal i fwriadu newid Mesur Ymadael yr UE.

Newid yn Nhŷ'r Arglwyddi

Daeth i'r amlwg ddydd Mawrth na fyddai Llywodraeth y DU yn cyflwyno'r newidiadau dan sylw yn ystod dadl yr wythnos nesaf ar y mesur.

Yn dilyn y ddadl honno, bydd y bil yn symud i Dŷ'r Arglwyddi - ac yno, meddai Mrs May, bydd y Llywodraeth yn "edrych i gyflwyno newidiadau".

Ar hyn o bryd, byddai'r ddeddfwriaeth yn golygu bod pwerau mewn meysydd datganoledig sy'n dychwelyd i'r DU o'r UE wedi Brexit yn cael eu symud i San Steffan yn gyntaf - nid i Gaerdydd.

Cafodd ymgais gan lywodraethau Cymru a'r Alban i newid hynny eu gwrthod yn Nhŷ'r Cyffredin ym mis Tachwedd.

Dywedodd Mr Thomas, AC Plaid Cymru dros Ganolbarth a Gorllewin Cymru, bod y newid yn amserlen y mesur yn "fethiant mawr".

"Pam eich bod yn parhau i ymddiried yn y Torïaid? Pam rhoi dyfodol cyfansoddiadol Cymru yn nwylo llywodraeth Geidwadol sydd wedi methu glynu at eu haddewidion">