/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Cyngor Blaenau Gwent i drafod lefelau salwch uchel

Dynes sy'n salGetty Images

Bydd cyngor yn trafod sut mae delio â'r nifer fawr o ddiwrnodau sy'n cael eu colli o'r gwaith oherwydd salwch.

Ar gyfartaledd mae staff Cyngor Blaenau Gwent yn absennol am 12.5 diwrnod y flwyddyn - un o'r cyfraddau uchaf ymhlith cynghorau Cymru.

Ddydd Llun bydd pwyllgor craffu'r cyngor yn ystyried beth ddylid ei wneud i ddelio â'r mater.

Mae un adroddiad yn awgrymu y dylai'r pwyllgor ymweld â chynghorau a sefydliadau sydd â record isel o absenoldeb.

Mae'r adroddiad yn cydnabod fod lefel uchel o absenoldeb yn cael effaith andwyol ar ei allu i weithredu'n effeithiol, ac yn nodi bod presenoldeb yn y gwaith yn un o'i flaenoriaethau.

Mae'r cyngor wedi cael cais am ymateb.