कोणती पाणीपुरी खाल्ल्यानं कॅन्सर होऊ शकतो? त्यावर उपाय काय?

पाणीपुरी म्हणजे जवळपास सगळ्यांचा जिव्हाळ्याचा विषय. स्ट्रीट फूडमध्ये सगळ्यात जास्त पसंती कुठल्या पदार्थाला असेल तर ती पाणीपुरीला. अनेकांच्या हृदयात आणि पोटातही पाणीपुरीसाठी एक विशेष जागा आणि प्रेम असतं.

पाणीपुरीवाल्याच्या भोवती दिसणारी गर्दी पाहून, लोकांचं पाणीपुरीवर किती प्रेम आहे, हे तर दररोज आपण सगळे बघतो.

पाणीपुरीचं वेड इतकं आहे, की लॉकडाऊन काळात बाहेर पडता येत नसल्यानं अनेकजण घरी पाणीपुरी बनवायला शिकले. त्या काळात Google India च्या डेटानुसार, पाणीपुरीच्या रेसिपीच्या सर्चमध्ये 107 टक्के वाढ झाली होती.

आता या आवडीच्या पाणीपुरीमध्ये असे काही धोकादायक घटक सापडले ज्यामुळे कॅन्सर होऊ शकतो? हे तुम्हाला सांगितलं तर पचणार नाही. पण, कर्नाटकच्या अन्न सुरक्षा विभागाच्या सर्वेक्षणात पाणीपुरीबद्दल काही गोष्टी समोर आल्या आहेत.

कर्नाटक अन्न सुरक्षा विभागाला पाणीपुरीत नेमकं काय सापडलं? त्या घटकांचा आरोग्यावर कसा परिणाम होतो? याबद्दल फूड टेक्नॉलॉजिस्ट काय म्हणतात?

फक्त पाणीपुरीच नाही, तर इतर स्ट्रीट फूडमध्ये वापरले जाणारे कुठले घटक धोकादायक असतात? त्याचा आरोग्यावर काय परिणाम होतो? याच प्रश्नांची उत्तरं येथे पाहूया