/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Carcharu dyn am achosi marwolaeth ei ffrind mewn gwrthdrawiad

Llys y Goron Casnewydd

Clywodd y llys fod Pearce wedi ffoi o safle'r gwrthdrawiad gan adael ei ffrind yn y car

Mae dyn 29 oed wedi cael ei garcharu am dros bedair blynedd am achosi marwolaeth ei ffrind mewn gwrthdrawiad.

Fe wnaeth Joshua Pearce, 29 o Gwmbrân, gyfaddef ei fod wedi achosi marwolaeth drwy yrru yn ddiofal tra'i fod o dan ddylanwad cyffuriau mewn gwrandawiad yn Llys y Goron Casnewydd ddydd Iau.

Fe ddigwyddodd y gwrthdrawiad un cerbyd ar Cocker Avenue yng Nghwmbrân am tua 22:50 nos Sul, 23 Ebrill 2023.

Cafodd ffrind Pearce oedd yn eistedd yn sêt flaen y car, Sam Bevan, 26 oed o Bont-y-pŵl, ei gludo i'r ysbyty wedi'r digwyddiad ond bu farw o'i anafiadau yn ddiweddarach.

Dywedodd y sarsiant Shane Draper o Heddlu Gwent fod gweithredoedd Pearce yn "dangos peryglon gwirioneddol gyrru anghyfrifol".

"Wedi'r gwrthdrawiad fe wnaeth Pearce ffoi o'r safle, gan adael ei ffrind yn y car gydag anafiadau difrifol," meddai.

"Doedd y diffynnydd ddim mewn cyflwr addas i ddreifio o ganlyniad i gymryd canabis."

Cafodd Pearce ei ddedfrydu i bedair blynedd a phedwar mis o dan glo ac mae hefyd wedi ei wahardd rhag gyrru am dros naw mlynedd.

Pynciau cysylltiedig