/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Cwmni sy'n ailhyfforddi gweithwyr dur yn cau swyddfa Port Talbot

Port Talbot a TataGetty Images

Mae cynllun Mulitply wedi cefnogi pobl ar draws de Cymru, gan gynnwys pobl sydd wedi eu heffeithio gan dorri swyddi Tata ym Mhort Talbot

Cemlyn Davies
Gohebydd Gwleidyddol BBC Cymru

Mae cwmni sydd wedi darparu cyrsiau sgiliau i ddwsinau o weithwyr dur sydd wedi eu heffeithio gan ddiswyddiadau ym Mhort Talbot wedi cau ei swyddfa'n y dref.

Daw wrth i Lywodraeth y DU baratoi i ddod ag un o'i rhaglenni cyllido i ben fis nesaf, gyda cholegau ac awdurdodau lleol yn galw am eglurder am gynlluniau hirdymor gweinidogion San Steffan.

Cyhoeddodd Tata Steel y llynedd ei fod yn diswyddo 2,800 o bobl gyda'r mwyafrif ym Mhort Talbot.

Dywedodd Llywodraeth y DU ei bod wedi ymestyn cronfa ehangach, ac y byddai gweithwyr dur yn gallu cael cefnogaeth i fagu sgiliau newydd drwy gronfa wahanol yn benodol ar gyfer pobl a'u heffeithir gan Tata.

Dros y ddwy flynedd ddiwethaf mae Whitehead-Ross wedi darparu cyrsiau i 1,200 o oedolion ar draws de Cymru.

Mae'r gwaith wedi ei ariannu gan raglen Multiply Llywodraeth y DU, gyda'r cyllid yn cael ei ddosbarthu gan awdurdodau lleol.

Ond bydd Multiply – sydd â'r nod o wella sgiliau rhifedd – yn dod i ben fis nesaf.

O ganlyniad mae Whitehead-Ross wedi cau ei swyddfa ym Mhort Talbot a diswyddo 16 aelod o staff yng Nghymru.

Ian Ross

Nid drwy dorri gwasanaethau mae taclo'r heriau sy'n bodoli, meddai Ian Ross

"Mae'n cyrraedd y pwynt, pa mor bell allwch chi dorri">