/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

C'mon Midffîld: Canfod ffrog 'eiconig' Wali ar ôl 30 mlynedd

Mei Jones a Richard Edwards yn gwisgo'r ffrogS4C/Rondo

Mae'r ffrog a ymddangosodd yn y gyfres yn 1992 wedi'i chanfod ar Ynys Môn

Carwyn Jones
Gohebydd BBC Cymru

Mae un o wisgoedd eiconig cyfres boblogaidd C'mon Midffîld wedi’i chanfod dros dri degawd yn ddiweddarach, a bellach am gael bywyd newydd.

Cafodd pennod gyntaf y gyfres C'mon Midffîld ei darlledu ar 18 Tachwedd 1988 ar S4C - cyfres sydd wedi dal dychymyg nifer o Gymry dros y blynyddoedd.

Cafodd ffrog fawr ei gwisgo gan y diweddar Mei Jones yn y bennod ‘Fe Gei Di Fynd i’r Bôl’ yn 1992 - pennod oedd yn dilyn hynt a helynt y cymeriadau mewn pantomeim Nadolig.

Bellach, mae’r ffrog wreiddiol a wisgodd Mei Jones - oedd yn chwarae rhan Wali Tomos - wedi’i chanfod a'i phrynu gan griw Theatr Fach Llangefni ar Ynys Môn, ac am gael bywyd newydd yn eu pantomeim nhw eleni.

Canfod 'trysor'

Catrin Angharad Jones sy'n cael y dasg o gyfarwyddo pantomeim Theatr Fach Llangefni eleni, a dywedodd fod y ffrog eiconig yn "drysor".

"Mi ddaru 'na siop wisg ffansi leol benderfynu bod nhw'n gwerthu eu gwisgoedd a'u bod nhw'n dod i ben ar ôl blynyddoedd," meddai.

"Mi 'nes i weld ambell i bost arlein ganddyn nhw bod 'na ddillad ar werth.

"Es i draw a gweld tair ffrog dame ar werth... yn ddiarwybod i mi, roeddwn i wedi gafael yn y tair ffrog, ac un o'r tair oedd ffrog Mei Jones - un Wali Tomos o'r bennod honno.

"Mae'n rhaid i mi gyfadda', 'nes i'm sylwi am eiliad mai honno oedd y ffrog.

"Be' 'nes i oedd tynnu lluniau ohonyn nhw a rhannu nhw wedyn efo'r cast a holi beth oedd pawb yn feddwl a gofyn os dyliwn i fynd yn ôl a'u prynu nhw."

Catrin Angharad Jones

Catrin Angharad Jones sy'n cyfarwyddo pantomeim Theatr Fach Llangefni eleni

Ar ôl rhannu'r lluniau o'r ffrogiau gyda'r cast, daeth yn amlwg fod y criw wedi darganfod darn o hanes.

Ychwanegodd Catrin: "Dyma un aelod o'r cast yn dweud 'mam bach Catrin - wyt ti'n sylweddoli bo' chdi wedi gadael ffrog Wali Tomos ar ôl yn y siop">