/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Buddugoliaeth i ferched Cymru yn erbyn Japan yn y WXV2

CymruGetty Images

Mae merched Cymru wedi ennill eu gêm gyntaf yng nghystadleuaeth y WXV2 yn Ne Affrica ar ôl trechu Japan o 19-10.

Roedd y Cymry ar y blaen o 12-0 ar yr egwyl ar ôl cais gan Nel Metcalfe a chais a throsiad gan Keira Bevan.

Roedd hi'n 19-0 am gyfnod yn yr hanner cyntaf ond ni chafodd cais Bethan Lewis ei ganiatáu gan y swyddog teledu.

Yn fuan yn yr ail hanner, gydag egni chwaraewyr Japan yn disgyn ar ôl hanner cyntaf anodd pan wnaethon nhw 100 tacl, cafodd y Cymry eu trydydd cais - Jasmine Joyce-Butchers y tro hwn ac yna cafwyd trosiad arall gan Keira Bevan.

Roedd nifer o wallau yng ngêm Cymru a chafodd tîm Shaun Connor eu cosbi ychydig ar ôl awr ac roedd y sgôr yn 19-5.

Cafodd Japan eu hail gais yn y munudau olaf wedi i Ayasa Otsuka groesi ac felly y sgôr terfynol oedd 19-10.

Bydd tîm rygbi merched Cymru'n chwarae nesaf yn erbyn Yr Alban ym Mhencampwriaeth Y Chwe Gwlad 22 Mawrth, 2025.

Pynciau cysylltiedig