/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

'Dyma'r diwedd': Athrawon a gafodd eu trywanu yn credu eu bod am farw

Liz Hopkins a Fiona EliasLluniau cyfranwyr

Y ddwy athrawes a gafodd eu hanafu - Liz Hopkins a Fiona Elias

Sara Dafydd
Gohebydd BBC Cymru

Mae llys wedi clywed bod dwy athrawes wedi meddwl eu bod ar fin cael eu lladd wedi i ddisgybl ymosod arnyn nhw mewn ysgol uwchradd.

Cafodd Liz Hopkin, Fiona Elias a disgybl yn Ysgol Dyffryn Aman, Rhydaman eu trywanu gan ferch 14 oed na ellir ei henwi am resymau cyfreithiol ym mis Ebrill y llynedd.

Mae'r ferch wedi cyfaddef trywanu'r tri ond mae hi'n gwadu cyhuddiadau o geisio llofruddio.

Ar ail ddiwrnod yr achos yn Llys y Goron Abertawe mae'r rheithgor wedi clywed cyfweliadau heddlu'r ddwy athrawes.

Fe ddywedodd y pennaeth cynorthwyol Fiona Elias ei bod wedi gofyn i'r ferch adael neuadd isaf yr ysgol ar 24 Ebrill 2024.

"Roedd y ffordd roedd hi'n edrych arna'i - roedd rhywbeth sinistr yn ei llygaid," meddai. "Mae'n eithaf eironig - if looks could kill."

'Roedd hi wedi colli arni'

Dywedodd bod y diffynnydd yn edrych "yn fygythiol iawn, fel pe tai hi am wneud rhwybeth i mi" ac yn chwarae gyda rhywbeth ym mhoced dde ei throwsus.

Yn ôl Ms Elias dywedodd y ferch: "Wyt ti eisiau gweld beth sydd yn fy mhoced">