/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Cyhoeddi enillwyr gwobrau newydd yr Urdd a'r Coleg Cerdd a Drama

EisteddfodUrdd Gobaith Cymru

Ar ddiwedd Eisteddfod yr Urdd Dur a Môr, Parc Margam a'r Fro 2025 mae Urdd Gobaith Cymru wedi diolch i ranbarth Gorllewin Morgannwg am estyn croeso cynnes i'r miloedd a wnaeth heidio i fwynhau a chystadlu ar faes prifwyl ieuenctid Cymru.

Eleni fe wnaeth mwy nag erioed gystadlu (119,593) mewn dros 400 o gystadlaethau ac roedd yna gynnydd sylweddol (42%) yn y nifer o ddysgwyr Cymraeg ifanc a wnaeth gymryd rhan yn yr ŵyl o gymharu â llynedd.

Enillwyr y gwobrau newydd

Nos Sadwrn cyhoeddwyd mai Erin Fflur Jardine o Ysgol Gyfun Gymraeg Plasmawr, Caerdydd sy'n derbyn Ysgoloriaeth yr Eisteddfod eleni – ysgoloriaeth sy'n wobr i'r cystadleuwyr mwyaf addawol yn yr oedran blwyddyn 10 a dan 19 oed.

Roedd Erin yn fuddugol ar yr Unawd Telyn a'r Unawd Piano, yn aelod o gôr merched a chôr gwerin ac yn cyfeilio i Gôr Merched Plas Taf ac i'w brawd yn yr Unawd Pres.

Enillwyr gwobrau newydd yr Urdd a Choleg Brenhinol Cerdd a Drama Cymru yw:

  • Ffion Mair Thomas (Gwobr Syr Bryn Terfel, lleisiol)

  • Ioan Williams (Gwobr Amy Dowden, dawns)

  • Beca Fflur Morris (Gwobr Callum Scott Howells, sioe gerdd)

  • Ffred Hayes (Gwobr Matthew Rhys, theatr a llefaru)

  • Jencyn Ainsley Corp (Gwobr Rakhi Singh, offerynnol)

  • Laurie Thomas (Gwobr Sarah Hemsley-Cole, cefn llwyfan)

UrddUrdd Gobaith Cymru

Meddai Llio Maddocks, Cyfarwyddwr y Celfyddydau, Urdd Gobaith Cymru: "Ar ran yr Urdd hoffwn ddiolch i bwyllgor gwaith a phobl ardal Dur a Môr am eu brwdfrydedd dros y ddwy flynedd ddiwethaf ac am estyn cystal groeso i'r ŵyl.

"Diolch i filoedd o athrawon, hyfforddwyr a gwirfoddolwyr ledled Cymru am eu gwaith diflino ac am alluogi mwy nag erioed o blant a phobl ifanc i gael cyfleoedd amhrisiadwy drwy'r Urdd.

"Hoffwn hefyd ddiolch i'n noddwyr a'n partneriaid am eu cefnogaeth parhaus.

"Mae sicrhau cyfleoedd a phrofiadau celfyddydol yn hanfodol i lwyddiant a gwaddol ein gŵyl ieuenctid a dwi mor hapus bod mwy nag erioed o ddysgwyr Cymraeg wedi cymryd rhan eleni.

"Cawn edrych ymlaen at Eisteddfod yr Urdd Ynys Môn 2026 yn llawn hyder."

UrddUrdd Gobaith Cymru

Mewn ymateb i'r cynnydd yn y niferoedd sy'n cofrestru i gystadlu ynghyd â cheisiadau am fwy o gystadlaethau bydd Eisteddfod yr Urdd yn 2026 yn ymestyn i ŵyl saith diwrnod .

Felly bydd Eisteddfod yr Urdd Ynys Môn 2026 yn cael ei chynnal rhwng dydd Sadwrn, 23 a Gwener 29 Mai 2026.

Pynciau cysylltiedig

Straeon perthnasol