/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Amheuon am gynllun trydanu rheilffordd y gogledd

Gorsaf LlanfairpwllGetty Images

Fe gafodd y cynllun trydanu ei gyhoeddi gan Rishi Sunak fis Hydref y llynedd

Mae amheuon wedi codi ynghylch cynllun gwerth £1bn i drydaneiddio rheilffordd gogledd Cymru gan nad oes cytundeb i'w gyllido na sêl bendith swyddogol gan Lywodraeth y DU.

Mae'r cynllun yn rhan ganolog o faniffesto'r Ceidwadwyr Cymreig ar gyfer yr etholiad cyffredinol, a gafodd ei lansio ddydd Gwener.

Ond mae BBC Cymru wedi cael gwybod bod y cynllun "yn mynd i nunlle" gan nad yw Network Rail wedi derbyn llythyr gorchwyl eto gan yr Adran Drafnidiaeth.

Mewn ymateb i gwestiwn yn ystod y digwyddiad lansio ym Mae Cinmel, Sir Conwy, dywedodd y Prif Weinidog, Rishi Sunak y byddai'r cynllun trydaneiddio "yn digwydd".

Fe gafodd y cynllun trydanu ei gyhoeddi gan Mr Sunak fis Hydref y llynedd, ac roedd yna addewid "cadarn" gan un o'i weinidogion i'w wireddu.

Fe fyddai'n cael ei gyllido yn sgil canslo'r cynllun rheilffordd cyflym HS2 rhwng Birmingham a Manceinion.

Ond dyw National Rail dal heb dderbyn y llythyr angenrheidiol gan yr Adran Drafnidiaeth sy'n cadarnhau bod arian ar gael a bod modd symud ymlaen gyda'r cynllun.

Dydy seilwaith y rheilffyrdd ddim yn faes sydd wedi ei ddatganoli felly Llywodraeth y DU sy'n gyfrifol amdano, nid Llywodraeth Cymru.

'Arian ar gael'

Wrth ymateb i gwestiwn gan BBC Cymru ynglŷn â pham nad oes llythyr wedi ei anfon at Network Rail, dywedodd Mr Sunak: "Ry'n ni'n edrych ymlaen yn arw at gyflawni cynllun trydanu gogledd Cymru.

"Maen rywbeth y mae'r Ceidwadwyr Cymreig, fy nghydweithwyr, wedi bod yn ei drafod ers cryn amser."

Ychwanegodd fod penderfyniad ei lywodraeth i addasu cynllun HS2 yn golygu bod "arian ar gael i fuddsoddi £1bn yn y cynllun trydaneiddio".

Dyluniad HS2 o orsaf BirminghamHS2

Arian yn sgil canslo rhan o gynllun HS2 sydd i fod i gyllido'r cynllun trydanu

Mae cwestiynau wedi codi hefyd a fyddai biliwn o bunnau yn ddigon ar gyfer y cynllun.

Yn ôl ffynonellau o fewn y diwydiant, fe fyddai angen £500m yn rhagor, ac mae Ysgrifennydd Cymru wedi cydnabod y gallai gostio mwy.

Y gred yw bod cyfarfodydd gyda rhanddeiliaid wedi digwydd yn gynharach eleni, ond nad oedd unrhyw gynnydd wedi bod ers hynny.

Mae BBC Cymru wedi gofyn i Network Rail am ymateb.

Pynciau cysylltiedig