/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

'Erioed wedi teimlo mor isel' nag wrth drio cael tŷ rhent

Bu Sara a Steve yn chwilio am le i rentu ers y Nadolig a chael eu gwrthod dro ar ol tro

Gan Meleri Williams
BBC Cymru Fyw

Mae mam o Gaerdydd fu'n chwilio am le i'w rentu am wyth mis i'w theulu ifanc yn dweud nad yw hi "erioed wedi teimlo mor isel".

Does gan Sara Hobday a'i phartner, Steve, ddim arian wedi ei arbed i brynu tŷ, ond maen nhw'n dweud bod y farchnad rhent yn eu prisio allan erbyn hyn hefyd.

Ar ben hynny, mae'n dweud bod sawl asiantaeth dai wedi dweud wrthi fod y ffaith bod ganddyn nhw fabi yn "anfantais" - rhywbeth sydd yn codi dro ar ôl tro, yn ôl elusen Shelter Cymru.

Dywedodd Llywodraeth Cymru fod unrhyw landlord neu asiant sy'n gwahaniaethu'n annheg yn erbyn tenantiaid mewn perygl o golli eu trwydded.

Lena

Roedd Sara'n dychmygu y byddai eu cais yn cael ei flaenoriaethu gan fod gan y ddau blentyn bach, Lena

Fe wnaeth cyn-landlord Sara Hobday, 32, a'i phartner roi gwybod iddyn nhw adeg y Nadolig ei bod hi eisiau gwerthu'r tŷ erbyn yr haf.

Cafodd y cwpwl chwe mis o rybudd i ddod o hyd i rywle arall. Fe drodd y misoedd yn hunllef.

"Yn ystod y chwe mis 'na, cafon ni amser mor galed yn hyd yn oed jyst yn gallu mynd i weld tai, o'dd gyment o bobl yn chwilio ar yr un pryd, ond os o'n ni'n rhoi cais mewn o'dd y cais ddim yn cael ei dderbyn achos o'dd plentyn gynnon ni, sydd yn wallgo'," meddai.

"Naethon ni drio rhoi cais mewn ar gyfer un tŷ ac unwaith naethon nhw sylweddoli bod gyda ni blentyn, naethon nhw ddweud byse'r landlord ddim - byth - yn cymryd plant.

"Ac o'n i'n gofyn, wel, ni'n deulu. Sut ydyn ni'n gallu ffeindio rhywle i fyw os oes gan y landlord yr hawl i ddweud bo' nhw ddim eisiau teuluoedd neu ddim ishe plant?

Steve, Sara a Lena

Mae asianatethau tai wedi dweud wrth Steve a Sara bod cael babi yn "anfantais" wrtho geisio dod o hyd i rywle

Bythefnos yn ôl, roedd y teulu bach mewn sefyllfa argyfyngus. Roedden nhw wedi byw yn nhŷ ffrindiau tra'u bod ar wyliau ac unlle i fynd erbyn diwedd Gorffennaf.

Ers hynny, mae'r teulu'n ffodus o fod wedi gallu symud i fflat bach ail lawr yn Nhreganna dros dro a thalu morgais aelod o'r teulu ers dechrau'r mis.

Mae Sara'n pwysleisio eu bod mewn sefyllfa freintiedig i gael cefnogaeth teulu. Ond dywedodd ei bod yn dal i deimlo effeithiau'r misoedd diwethaf.

"Mwy nag unrhyw beth, mae'n effeithio ar iechyd meddwl, mwy na fase unrhyw un yn deall," dywedodd.

"Sa i'n meddwl bo' fi 'di teimlo mor isel ag o'n i ar yr adeg yna, ddim yn gw'bod ble o'n ni'n mynd i fynd, ble o'n ni'n mynd i fod mewn wythnos, ble o'dd 'y mhlentyn yn mynd i fynd.

"O'n ni'n dod gartre' ac o'n i'n meddwl ble fydd cartref fory? Ble fydd cartref mewn wythnos">