/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Dafydd Elis-Thomas: Bywyd mewn gwleidyddiaeth

DET
Gan Rhys Ffrancon
BBC Cymru Fyw

Yr Arglwydd Dafydd Elis-Thomas ydy un o ffigyrau cyhoeddus mwyaf blaenllaw Cymru dros yr hanner canrif diwethaf.

Cafodd ei ethol fel Aelod Seneddol yn San Steffan am y tro cyntaf yn 1974 i gynrychioli Sir Feirionnydd. Eleni fe safodd Dafydd Elis-Thomas i lawr fel Aelod o Senedd Cymru dros Ddwyfor-Meirionnydd, wedi iddo gynrychioli'r etholaeth ers sefydlu'r Cynulliad, fel yr oedd bryd hynny, yn 1999.

Roedd ar un adeg yn cael ei alw'n 'Marcsydd Meirionnydd' ac yn un o brif arweinwyr syniadaeth yr adain chwith yng Nghymru. Yn 2016 fe adawodd Blaid Cymru gan barhau fel aelod annibynnol o Senedd Cymru.

Yn y cyfweliad yma mae'n rhannu rhywfaint o atgofion o'i yrfa a'i ganfyddiadau am wleidyddiaeth Cymru heddiw.

line

Dechreuodd ym myd gwleidyddiaeth yn gynnar: "Yn 1962 oedd 'na lot o'na ni efo diddordeb mewn gwleidyddiaeth yn Ysgol Ramadeg Llanrwst, ac roedd Harold Wilson yn siarad mewn rali ym Mhwllheli felly es yno gyda ffrind i mi oedd yn Geidwadwr, a minnau wedi ymuno â Phlaid Cymru yn 16.

"Dyma nhw'n dechrau'r cyfarfod gyda'r cadeirydd yn cyhoeddi'r emyn gyntaf, a finna'n meddwl 'be' sy'n mynd 'mlaen">